盈館

營業中

休息中

在盈館跟朋友晚飯聚會，見到價錢都幾大眾化，北京填鴨都係百幾蚊相當抵食！但朋友唔食鴨所以無叫。我地先叫左個燉湯，姬松茸響螺燉雞，煲出黎都唔會有層油淨面，飲起黎相當夠熱，帶滋潤感味道鮮甜，螺燉鮮甜味好突出，湯渣煲到出哂味，雞腳好綿滑。美國芝士汁慢煎大虎蝦，店員說用上美國芝士煮成，所以芝士唔會大堆頭包住哂咁膩，呢點認真一讚！蝦肉鮮味，芝士香剛剛好包住蝦，味道相當討好，下層用了薯角盛住，幾香脆，好味道。清蒸金花班仔，條魚都幾大條夠份量！蒸得剛好夠滑身， 蒸魚豉油帶出鮮甜感，唔會死咸，相當鮮味。員工有禮，坐得舒服！價錢唔貴，正！