影片
更多
2024-02-05
404 瀏覽
自問都算餃子達人，出名嘅，誇區嘅，都食過。見長沙灣開咗間新嘢，專程揸車出去會一會。餃子款式不多，得5-6款，而且冇得雙拼，所以要兼賣串燒幫補。我叫咗椰菜餃，男友叫咗芫茜餃，另外再加兩串串燒。本來係冇諗住出食評，但真係想俾啲意見呢間小店，所以張相都係食食吓先影。湯底好出色，我淨係見到湯渣有粟米，應該仲有其他配料，所以成個感覺非常清甜，令人有衝動飲晒。餃子分兩parts講： 1. 餃子皮，略厚。個皮似美味餃子店，但本人鍾意甜記/餃掂嗰隻質地，個皮厚雖然會增加飽肚感，但當同個餡唔match時，就好似皮還皮，餡還餡。特別係食到後段，可能湯熱浸得耐，有兩隻穿咗。2. 餡，唯一值得讚係椰菜非常幼細，唔似甜記咁食到勁大舊椰菜。但！！！成隻餃子係冇味，我唔知係成個廚房嘅人味覺出現問題定點，係好明顯食得出冇任何調味！（男友嘅芫荽餃都話好淡，但比我好少少）咁同店員反映，佢話之前食過無問題，仲話食得出椰菜同豬肉味😂食材天然味道同seasoning係兩回事呀好嗎？😅如果改善返呢個問題，我諗呢間嘢都可以encore, 否則個湯再好飲都係假。而串燒係好食的，比較細串，但新鮮燒，肉同調味都ok
見長沙灣開咗間新嘢，專程揸車出去會一會。
餃子款式不多，得5-6款，而且冇得雙拼，所以要兼賣串燒幫補。
我叫咗椰菜餃，男友叫咗芫茜餃，另外再加兩串串燒。
本來係冇諗住出食評，但真係想俾啲意見呢間小店，所以張相都係食食吓先影。
湯底好出色，我淨係見到湯渣有粟米，應該仲有其他配料，所以成個感覺非常清甜，令人有衝動飲晒。
餃子分兩parts講：
1. 餃子皮，略厚。個皮似美味餃子店，但本人鍾意甜記/餃掂嗰隻質地，個皮厚雖然會增加飽肚感，但當同個餡唔match時，就好似皮還皮，餡還餡。特別係食到後段，可能湯熱浸得耐，有兩隻穿咗。
2. 餡，唯一值得讚係椰菜非常幼細，唔似甜記咁食到勁大舊椰菜。但！！！成隻餃子係冇味，我唔知係成個廚房嘅人味覺出現問題定點，係好明顯食得出冇任何調味！（男友嘅芫荽餃都話好淡，但比我好少少）
咁同店員反映，佢話之前食過無問題，仲話食得出椰菜同豬肉味😂
食材天然味道同seasoning係兩回事呀好嗎？😅
如果改善返呢個問題，我諗呢間嘢都可以encore, 否則個湯再好飲都係假。
而串燒係好食的，比較細串，但新鮮燒，肉同調味都ok
張貼
