金西南米線

營業中

休息中

今日落狗屎，去登龍街揾食，lunch揀咗呢度食米線。睇完餐牌，揀紅薯粉配雞翼墨魚頭，辣度揀咗大辣。等咗5分鐘左右上枱，份量適中，但太餓既話應該唔夠食。雞翼味道普通，墨魚頭細舊同埋有啲碎，紅薯粉幾有咬口，湯底幾好味。辣度揀咗大辣，頭幾啖有啲嗆口，食多幾啖無想像中辣，大約只有譚仔中辣，成碗味道都算ok，但覺得間舖坐得好迫啲位好窄，行嗰陣要小心提高個袋唔好撞到隔離位，入嚟快食lunch係ok，但食完想快啲走唔想久留。呢間好味過譚仔或譚仔三哥，臨走嗰陣見門口勁多人排隊等外賣。