鋿晶館

營業中

休息中

鋿晶館（荃灣）❣️是日想飲茶食點心，又唔想去傳統酒樓。咁啱見到門口有錶位就決定入去呢間餐廳試下。餐牌除了有單點仲有套餐。人少少仲可以揀一籠兩件的點心，唔洗驚浪費仲可以試多d菜式😜經姐姐介紹了幾個得意菜式，全部點心即叫即整。🌟黑松露北菇燒賣皇🍄黑松露點綴於燒賣皇上。入口香菇味濃郁👍🏽豬肉不會太肥膩，有口感。🌟芝士蝦春卷🧀️熱辣辣香脆可口🤓廚房已經切開上菜。眼見到餡料好豐富，粒粒蝦係入面，加上喼汁提升味道。🌟齒頰留香脆蘿蔔腸🥕腸粉皮裹著脆脆的炸蘿蔔酥。外層軟熟腸粉皮，內層食到脆脆口感。絕對不會單調😙🌟月半灣晶瑩鮮蝦餃🦐外層皮晶瑩剔透，入口彈牙有口感，唔會好容易爛，入面餡料多😉🌟老爺子古法馬拉糕🥮黑糖香味撲鼻，顏色金黃，入口有淡淡蛋香及焦香味。❣️總括而言，呢度坐得都幾舒服，姐姐們好親民，會過來傾計，唔怪得好多熟客😁我表示點心好熱辣辣新鮮。細問之下，原來大廚背景資歷相當豐富🧑‍🍳曾經係日本東京富麗華為高官和明星服務。回港後於多間米芝蓮酒店及大型連鎖酒樓集團做主管。