孖寶車仔麵

營業中

休息中

今日同朋友去咗葵芳行街買新衫過年，行到去葵涌廣場見到孖寶車仔麵，係間老字號，車仔麵好受歡迎，咁梗係唔好錯過！孖寶招牌麵：多款麵底和醬汁選擇，揀咗幼麵和清湯底，一碗有齊傳統車仔餸，豬皮爽口、豬紅滑溜、豬腸乾淨冇異味、魚蛋彈牙、蘿蔔林甜、雞翼肉嫩，全部都滷得好入味，幼麵亦好彈牙！凍奶茶色澤金黃且入口香濃順滑。魚肉碗仔翅：碗仔翅好足料，濃稠適中，加埋彈牙嘅魚生，豐富咗口感同味道。滷水雞髀：雞髀滷得好入味，皮滑肉嫩，店員話因為雞髀細隻咗，所以加咗隻雞翼比我，佢哋對顧客真係老實，值得一讚！爽滑腸粉：腸粉口感極佳，香滑細膩；醬料口味也很好，份量足，價格實惠。