孖寶車仔麵

營業中

休息中

孖寶車仔麵係一間係葵芳幾受歡迎的小食店 葵青區長大嘅好多都由細食到大佢地d選擇豐富配料種類好多我忍唔住都係點左招牌牛雜車仔麵湯底好濃令人一試成主顧 配料有魚蛋 牛雜 蘿蔔同菜 魚蛋勁彈牙 我最鍾意係佢哋啲蘿蔔冬天嘅蘿蔔冇渣好好味牛雜好入味 牛腩同牛肚很不錯不會軟爛 口感也不錯牛雜的份量也很足整體上孖寶車仔麵性價比好高☝🏿如果中意香港嘅街頭小食孖寶車仔麵都值得一試佢哋店員嘅服務都好友善 次次都問我食飽未無催我走😂🤣

🍜【葵芳孖寶車仔麵】作為葵涌街市長大的餓底，這間開到凌晨的車仔麵檔，根本是打工仔的深夜治癒所！今日公開我的邪惡食單＋隱藏食法👇 ### 🍗 **鎮店の神物｜滷水雞髀** 雞皮滷到變琥珀色，撕開肉縫會爆出啡黑色肉汁，連骨頭都入味到可以嗦半小時～ ### 🦑 **創意爆燈｜魷魚沙嗲牛肉麻吉燒** **💥 三重暴擊組合** 咬開魚蛋大小的麻吉燒，會拉絲的日式麻糬！沙嗲醬混搭煙韌口感，根本是車仔麵界的分子料理～ ### 🍜 **腸粉の逆襲｜混醬腐乳腸粉** **👑 醬料界三國演義** 白腸粉淋上混醬只是基本，真正行家會追加辣菜脯」，鹹香辣三味交織，腸粉皮蒸到半透明帶米香，捲著脆辣菜脯根本停不了口！ ### ☕ **解膩神器｜熱檸茶** **🍋 檸檬玄學** 阿姐落檸檬毫不手軟，一杯塞足4厚片！用匙羹瘋狂搗出檸皮油香，關鍵是茶底用粗茶葉煲，澀味剛好平衡滷水的膩

位於葵廣的孖寶車仔麵是一家小店，但它用簡單的材料和濃厚的人情味，捕捉了街頭小吃的精髓，讓人一試成主顧。**孖寶招牌麵**是餐廳的明星菜色，選用了豐富的配料：蘿蔔煮得入味又軟綿，陳皮魚蛋帶點清香，不但彈牙，還別有一番滋味；豬皮吸滿了湯底的精華，每口都充滿膠質感；雞翼熟嫩入味，且不油膩；豬腸處理得宜，完全沒有腥味，反而保留了應有的嚼勁。整碗麵濃郁又不失清爽，湯底的味道十分熨貼，一口就讓人回味無窮。再來說說附加的小菜——**碗仔翅**。湯羹濃稠，入口滑順，每一口都有豐富的層次感。雖然不是用真翅製作，但味道絕不馬虎，讓人吃得滿心滿意。另外點了腸粉，配菜有煎蛋、冬菇、蘿蔔。煎蛋外皮微微焦脆，內心柔嫩；冬菇鮮香多汁；蘿蔔保持了它的清甜與滑口；腸粉則厚薄適中，帶著淡淡的米香，口感細膩柔韌。整體而言，孖寶車仔麵提供的不僅是一餐美味，更是一份地道的香港街頭風味。無論是食材的新鮮度，還是對細節的用心，都讓人感到滿足。如果你在葵廣，不妨來一趟，體驗這簡單又幸福的滋味！

平時啲人去葵芳廣場一定係掃街，但係其實佢哋地下都有啲茶餐廳可以坐下唞吓慢慢食，今日就過咗嚟呢間主打車仔麵嘅舖頭打躉😋慢慢享受呢個港式晚餐。🐒紫菜墨丸麵(幼麵)💰$42👉🏻凍檸樂+$16🐒生菜魚肉湯💰$23+$3加菜🐒 爽滑腸粉💰$12@4條本身其實想食菜肉雲吞😂但係我自己竟然落錯咗單，不過誤打誤撞又嗌左個幾好食既墨丸，第一次食紫菜類嘅麵，原來好似紫菜湯咁都幾特別另外佢哋枱面都有辣同埋唔辣嘅菜甫，所以如果嫌湯底唔夠層次都可以自己任加，就好似我嘅生菜魚肉湯咁，加咗辣菜脯真係好惹味，另外佢好貼心咁可以加$3有多啲菜🥬啱晒我呢啲鍾意食菜人士最後一定要嗌我最鍾意食嘅腸粉，真心覺得發明到呢個配搭人要頒個獎俾佢👍🏼而且有得坐低食又熱辣辣真係好正

今次嚟葵廣行街，忍唔住又再食多次孖寶車仔麵。佢哋嘅車仔麵有三款湯底可以揀：清湯、腩汁、同秘製汁，夠哂多選擇。牛雜
超級抵食！唔使四十蚊就有齊牛雜同埋四、五塊大大舊蘿蔔。牛雜滷得入味，口感軟嫩無臊味，蘿蔔又淋又多汁，吸晒湯底精華，好滿足。魚肉碗仔翅
建議一定要加少少醋一齊食，味道更鮮更開胃。份量唔細，兩個人分嚟食都啱啱好，熱辣辣上枱，有種懷舊風味。車仔麵（豬紅＋牛筋）
真係每次嚟都要食返碗，湯底唔會太鹹，飲落好順口。麵條夠彈牙，唔會煮到淋晒，豬紅滑溜冇腥味，牛筋夠腍又彈牙，配料全部都滷得好入味，湯底同配料好夾。凍菜蜜
食完重口味配料，飲返杯凍菜蜜清清味蕾，啱哂！整體黎講，食物選擇多，每樣都好地道、夠哂香港味。價錢親民，味道有驚喜，真係性價比之選，行完街嚟醫肚一流！總結：地道、性價比之選！

呢間車仔麵選擇豐富，足料又好食！黎到葵廣唔可以錯過嘅本地特色小店！三餸車仔麵套餐包埋飲品，再額外加小食港式美味就係咁簡單😋😋😋—————————————————————燒賣、辣魚蛋、滷水豆腐手打麵🍜牛腩、雞中翼、五香豬頸肉撈粗麵🍜---湯麵或者撈麵都有得揀，口感各有特色推薦燒賣，魚肉香重，大大粒！滷水豆腐好索湯，夠入味～推薦秘製汁，蒜味濃郁夠惹味！肉食控或者非肉食控都有好多配搭選擇～—————————————————————爽滑腸粉👍🏻---口感有驚喜，真係好爽滑！醬汁又夠多，呢道小食要點！—————————————————————飲埋金牌奶茶、凍朱古力，滿足嘅一餐😁

下午茶時段 （14：30-18：00) $48 三餸麵 +熱飲真係好抵食 （平時 $54 都抵）見有手打麵就試下，有D似烏冬？下次都係食返粗麵/油麵先😹😹 同埋有得揀腸粉好特別！個秘製汁好味👍好多餸揀有選擇困難最後揀左牛腩，豬頸肉同雞腎牛腩夠淋，豬頸肉爽，雞腎入味，全部都滿意，下次想試下其他豬紅呀蘿蔔呀嗲牛肉個D另外菜脯有辣有唔辣，岩曬我呢D唔食辣既人平日5點幾去都7，8成滿，不過速度都算係咁，等5～10分鐘已經有得食

葵湧廣場出咗名多好嘢食， 地下有一檔孖寶車仔麵。 🍢🍜🍹今日我想食豐富啲，呢個組合絕對係最佳選擇！✨ 魚蛋 夠彈牙，每粒都好入味，醬汁微辣超惹味！🔥 燒賣 係傳統港式風味，唔會粉糊糊，咬落仲有少少肉汁，好正！🥢 腸粉 幼滑得嚟唔會過腍，醬油鹹香適中，仲帶少少甜味，好有街頭小食風味！😋腩汁手打麵絕對係今餐亮點！🌟 手打麵煙韌彈牙，吸收晒 腩汁 嘅精華，每條麵都充滿濃郁牛味，好夠層次！💥 麻吉燒 係炭燒得啱啱好，帶少少焦香，肉質嫩滑，咬落去肉汁四溢，好邪惡！🍢 雞中翼 外皮炸得香脆，內裡依然嫩滑多汁，味道鹹香十足！🐔 鹵水豆腐 就係另一個驚喜，滷得入味，帶少少豆香，又滑又細膩！🤤 韭菜 平衡晒整碗麵嘅濃郁口感，增加咬感之餘，亦帶出陣陣清香，啱晒鐘意重口味但又怕膩嘅朋友！🌿最後配返杯 凍柑桔蜜，酸酸甜甜，仲有淡淡柑橘果香 🍊，飲落去好爽口，食完濃味嘅麵再嚟一啖，瞬間清新哂！🍯✨車仔麵食物選擇豐富，味道層次超足，配料一流，份量超大碗！😂 絕對值得再訪，尤其推薦畀鍾意重口味濃香醬汁嘅朋友！

又返去葵湧廣場喇，食返我之前最鍾意食嘅車仔麵店，最緊要就係個 秘製醬汁，呢間嘅醬汁絕對有水準！🍜 粗麵 夠彈牙，每條麵都掛滿咸香惹味嘅醬汁，口感一流！👍配料方面 蘿蔔 係最大驚喜，滷到入晒味，一咬落去即刻滲出濃濃湯汁，仲帶少少微甜，好Juicy！😋 牛柏葉 爽口彈牙，無腥味，完全吸晒個醬汁，咬落去仲有層次感！✨ 牛腩 煮到超入味，軟腍得嚟仲帶少少膠質，一咬即溶！🐂 金菇 同 生菜 亦係好配搭，增加口感層次，唔會太heavy，食到最後都唔覺膩！🥬🍄最後梗係飲返杯正宗港式風味嘅凍奶茶，茶味濃郁，帶點微微甘香，配上香滑嘅奶，完全唔會過甜，比例剛剛好！🥶✨ 飲完透心涼，配麵一流！孖寶車仔麵地址 葵芳葵富路7-11號葵涌廣場地下A15號舖Shop A15, G/F, Kwai Chung Plaza, 7-11 Kwai Foo Road, Kwai Fong營業時間星期一至日 06:00 - 00:00

平時來到葵廣想食車仔麵，一定會幫襯呢間開業多年嘅孖寶車仔麵！次次經過都好旺場，餐廳仲有多款車仔餸可以選擇，係非常地道嘅港式風味～✨三餸麵呢碗叫咗雞中翼、回鍋肉、五香豬頸肉配手打麵加秘製汁！雞中翼香甜惹味！回鍋肉有啲似五香肉丁，仲有埋啲爽口嘅荀片！五香豬頸肉油而不膩！手打麵Q彈有口感，正～✨三餸麵朋友呢配就叫咗牛腩、魚肉春卷、辣魚蛋配幼麵加腩汁！牛腩半筋半腩！魚肉春卷同辣魚蛋嘅味道都好經典！幼麵掛汁能力高～✨Coke Zero✨熱好立克✨秘製菜脯有辣又有唔辣嘅菜脯，惹味又有口感，配車仔麵一流～

今日走咗去葵廣行街，行行下到咗食飯時間，就腳就搵孖寶車仔麵食飯醫肚三餸麵套餐 $60叫咗三餸麵，改要沙嗲汁+$3、烏冬+$3，叫咗牛腩、魚肉春捲同埋金菇。沙嗲汁偏甜口，一些都唔辣，三餸入面最鍾意牛腩，牛腩有4-5塊，炆得入味，質地軟淋易咬，仲有牛筋食添；魚肉春捲有兩舊，食落香口。三餸腸粉餐 $57另一個叫咗腸粉，改沙嗲汁+$3，叫既配料就有菜肉雲吞、冬菇同魚蛋，腸粉另上。腸粉醬汁有麻醬同甜醬，兩溝都幾好食；菜肉雲吞有兩隻，入面菜嘅比例比較多，食落比較清爽；冬菇煮得好入味，魚蛋係陳皮魚蛋，食落有淡淡陳皮香味。

📍 孖寶車仔麵｛葵芳｝ 依間車仔麵檔已經係我由細食到大，係一間幾耐歷史嘅車仔麵檔，而家款式都比較多，仲有埋小食，碗仔翅之類，多元化，唔想食車仔麵嘅，你都可以陪朋友輕食🫕✨腸粉懷舊腸粉，必食，仲要多混醬，啲腸粉好滑溜，勁懷念細個成日食既味道👅✨ 秘製汁，河粉｛牛栢葉、蘿蔔、菜肉雲吞｝嚟到車仔麵就梗係要食車仔麵🍜我就嗌咗一個三餸套餐，會包埋一杯熱飲品，都係$54。車仔麵嘅款式，都好多，我就揀咗河粉，同埋秘製醬汁，個秘製醬汁撈埋啲河粉都幾掛汁，而且啲餸都算好多，蘿蔔比較清新，冇咩根，同埋幾淋又幾入味，牛柏葉份量都好多，菜肉雲吞都有三隻，而且仲大大隻好飽滿，餡料亦都好多！

平日經過都見好多人幫襯，是日早收終於有機會可以試試看，決定外賣個3餸車仔麵回家吃。車仔麵～～食車仔麵必選油麵，配料就選擇了豬紅、芝士腸、墨魚丸，配上秘制醬汁，湯味濃郁，配料份量適中，麵算爽，味道不錯。

近期葵涌廣場小食已經無之前咁吸引啦， 因為每個小食都加晒價食得飽都用左差唔多８０蚊所以我寧願食d熱辣辣既車仔麵仲好！發現孖寶車仔麵下午茶只需要４８＄就有３送價錢算合理。仲要包熱飲。湯汁可以加選２種混合都可以， 我係選左咖哩汁+秘制辣汁。味道不錯十分濃烈，辣汁小小辣可以更開胃。魚蛋係細粒魚蛋，算係爽口彈牙。我另外加左底。不過米線加完底我覺得都唔太夠飽。我下次覺得加多個送可能仲好。 另外麵入面會送一條菜比我地食唔洗另外點。岩晒d每餐中意食小小綠色野既人。沙爹牛肉必點，超好食。牛肉鬆軟易入口。加入麵入面配汁食岩晒中意味濃既我。唯一唔夠喉就係份量唔算好多。

位於葵廣地下的孖寶車仔麵以傳統風格裝潢為特色，枱面備有普通菜甫和辣菜甫，營造出懷舊的氛圍。我和朋友各選了一碗車仔麵，我選擇了雞中翼、五香豬頸肉和蘿蔔，搭配粗麵和秘製醬汁，我覺得是咖喱加沙嗲汁的口味，挺惹味的。豬頸肉入口即溶，入味十足，蘿蔔充分吸收湯汁，帶來濃厚的風味，搭配滷水雞中翼，絕對是車仔麵的理想搭配。另一碗車仔麵選擇了菜肉雲吞、牛腩和滷水豆腐。滷水豆腐是經過炸再滷製而成，很有層次，牛腩內軟腍，同時亦有彈牙爽口感，菜肉雲吞則帶有濃郁的胡椒味及韭菜味道，當然腩汁而是經典口味。飲品方面，豆漿和凍檸蜜是方便的選擇，凍檸蜜帶有足夠清新的檸檬口感，為餐館提供了完美的搭配。