FIGS Bistro Mediterranean & Apero Terrace Bar (已結業)

無意發現太古城有一間隱世嘅地中海西餐廳🍴設有室內同室外區，我哋今次晏晝去就只係開放室內座位，入去感覺到裝修都花咗心思，濃厚西方氣氛，值得推介慶祝好地方！我哋嗌嘅午餐包咗兩份前菜一份主菜前菜方面我哋叫咗生蠔同鵝肝，生蠔新鮮肥美，而鵝肝配埋無花果同埋特製嘅酸酸地嘅汁可以解膩😋法式忌廉龍蝦湯龍蝦味非常濃郁，湯入邊仲有粒粒龍蝦肉🤩 香煎蒜蓉蝦每隻蝦已經預先剝殼，再用蒜油浸住，旁邊配法包，蝦肉夠爽口，法包點蒜油，加埋蝦一齊食，口感豐富😚水手青口配白酒忌廉汁忌廉Creamy，白酒味唔算重，忌廉配青口其實果然最夾之選😋生帶子王配芒果菜頭香茅汁帶子切成薄片，配上特製醬汁，蒜蓉同水果蓉，開胃醒神😇香煎黑毛豬配芥末蜜糖🍯黑毛豬有驚喜，肉質好似慢煮咁，入口鬆化好易咬開，肉質呈粉紅色，啱啱熟嘅感覺，火候控制啱啱好👏🏻風乾和牛腹側扒配薯蓉西蘭花紅酒汁牛腹揀咗五成熟，呢個部位比較重口味，同紅酒汁幾夾