正九清湯腩 (常安樓)

營業中

休息中

同朋友去油麻地果欄買水果，出咗地鐵站，見到呢間餐廳，門口餐牌寫住以新鮮牛腩、牛骨秘方炮製，朋友話好耐冇食牛腩，好想食。🤤差不多5點鐘，我哋早少少食晚餐啦，一坐低，店員好勤快，好快幫我哋落咗單，下午茶時段仲送飲品。朋友叫咗：🐮清湯牛三寶撈粗，飲熱奶茶$70個牛三寶撈粗好快就到，份量都好足，有牛腩、牛筋、牛肚，我見到都想食😆，朋友即刻話一齊食啦，不同部位都炆得好腍，而且冇牛騷味😋。我就點咗：🐥醉雞飯，飲熱檸水$53 （+$5 轉雞髀🍗）切雞浸得好嫩滑，淋上花雕酒汁，雞髀啖啖肉，好正；仲點咗碟腐乳通菜$19，都幾大碟，幾抵食，食完大滿足。然後去果欄掃貨😆🍓🫐🥭🍍。