料理X空間

營業中

休息中

今日經青山道去裝修完嘅嘉頓麵包，見到有間裝修好別緻野餐餐廳，個餐牌有多國飲食，就決定去試吓佢哋嘅菜式。佢個名叫Lon Don Room。裝修好Warm，好別緻。啲位坐得好舒服。菜式有嚟自唔同國家嘅，有好多款式可以揀。今日我哋試咗一個泰式菠蘿炒飯，材料有肉鬆，菠蘿，雞蛋，椰子碎，提子乾，雞肉等，用薑黃粉炒非常之香。炒得好乾身，雞肉好嫩滑。我哋叫咗巴基斯坦咖喱羊配印度薄餅，有10塊印度薄餅，個咖喱嘅印度香料好濃，羊肉一嚿嚿，切得好細件好易入口，肥瘦均勻，仲有啲香草葉鋪喺面，啲羊肉煮咗好耐好腍好嫩，入口即溶。個咖喱唔會太辣，亦唔會太多油。