料理X空間

驚喜大發現‼️深水埗竟然隱藏一間低調高質Fusion 餐廳，食物質素媲美酒店，仲要只係街坊價，現時仲有$120紅白酒任飲，愛好餐酒既朋友就唔好錯過喇～好嘢要分享絕不私心收藏💕料理x空間，其實地點唔難搞，就喺地標 #嘉頓有限公司 斜對面，餐廳仲係#寵物友善餐廳 ，設有戶外位置可以帶同寵物一同用餐🍽️ 餐廳老闆對出品好高要求，所以對食材用料都嚴格篩選，真係好用心去做好出品，值得大力支持！🌟極上級8OZ牛柳伴鵝肝薯蓉 $238🌟個人極力推薦，8安士牛柳熟度控制得好好😌肉汁全部鎖住，鵝肝煎得好香滑而且唔會出現反油，薯蓉夠香夠滑，連蕃茄仔都粒粒新鮮飽滿，擺盤都好心思，$238 絕對係益街坊價錢！🌟香濃咖喱羊$188+印度薄餅$48🌟其實本身羊肉不是我所喜歡，主要是怕那股臊味，K先生話成日都係食咖哩牛不如試下咖哩羊，估不到有這麼大驚喜🤩每件羊肉都好夠軟滑完全不會黐牙，一點臊味也沒有，咖哩夠香唔太辣，比較適合我這種小小小辣人士，配份印度薄餅就夠完美！🌟花竹蝦多士 $88🌟好痴線🤣竟然用花竹蝦去打蝦膠整蝦多士，仲要玩爆芝，唔係講笑真係好好食，顛覆咗我對蝦多士嘅觀感！🌟酪梨芒果鮮蝦他他 $138🌟牛油果控既我又點會放過有牛油果既菜式呢？依個他他既質素我夠膽講係我食過用料最新鮮既一次，牛油果🥑係真正香滑，，用新鮮蝦配芒果，口感比起用雪藏蝦一定好好多！🌟蒜香青檸雞翼 $78🌟蒜蓉夠香配青檸既清新，食落好舒服！份量仲幾多，配啤酒🍻就合適！…查看更多

♨️料理X空間 LON.DON.ROOM深水埗青山道3及5號建新大廈地下E號舖❤️今日朋友帶我嚟呢間深水埗小店食fusion菜，果然冇介紹錯，食物用心製作有誠意，仲一個價錢有紅白酒任飲，原來聽老闆講逢星期二、四仲要係Lady Night免費兩小時，今次我哋就叫咗白酒試吓，一路飲老闆一路添，真係回晒本😂Enjoy Dinner Set 2人餐🔷海鮮南瓜湯一放低咩料啊？以為送錯枱，原來係南瓜海鮮湯，使唔使咁鬼多海鮮呀😂🔷芒果鮮蝦酪梨他他鮮蝦彈牙，芒果新鮮，配埋牛油果蓉同埋沙律係好清新嘅，而且都幾大份🔷法式忌廉藍青口啲青口都幾大隻，配埋Juicy嘅忌廉汁好㗎🔷香草白酒封門柳最鍾意食牛嘅我，點上五成熟嘅封門柳，上枱冇血水，但肉質又好鬼嫩，厚薄剛剛好，推薦👍🏻🔷開心果焦糖香蕉忌廉窩夫晚上嚟個甜品真係大滿足🔷特飲/啤酒兩杯主要因為我哋係加咗白酒，所以冇再叫啤酒/特飲，最尾嚟個咖啡作結尾🔷花竹蝦多士老闆推薦話呢個蝦膠係自家製的，並唔係交貨嚟，咁就立即要試吓啦，個面充滿芝麻香，內裏肉質超彈牙再加埋芝士，真係超級正👍🏻食物：8.5/10抵食：8.5/10環境：8/10…查看更多

今日試左一間小店，見冇人唔洗排隊，就入去試一試。其實星期六晚餐廳都冇咩人，入到去只見到一枱食客，心諗都係“伏”多! （有啲想轉身出番去）但真係好肚餓，就博一博。比我見到有我最鐘意既鵝肝，二話不說，即刻點左個“極上級牛柳伴鵝肝薯蓉”，另外見到餐廳都擺放左唔小酒，咁就緊係想叫番杯酒黎襯下啦。原先想叫杯紅酒，但服務員可能見我一個女仔，佢推介左一枝好甜既檸檬茶酒（我自己叫佢依個名）比我，名唔記得佢點講.....首先，介紹極上級鵝肝牛柳伴薯蓉 鵝肝 ：外脆內軟，絲滑柔順，入口即溶牛柳：食材頂級，烹調精湛，成數做得岩岩，非常浪漫，牛柳口感鮮嫩多汁，有肉味薯蓉： 個薯蓉入面重有啲薯仔粒，口感十足，明顯係用新鮮薯仔做，心機之作三種食材完美配搭，達到口感與風味既平衡，做得恰到好處檸檬茶酒佢似cocktail，但我覺得小小甜，容易入口。今時今日要揾一間咁有 heart 既餐廳，係好難，支持小店，繼續努力！下次會帶朋友一齊去…查看更多

今日試左依間餐廳既西班牙蒜油蝦,非常好食。蒜香味濃郁, 蝦肉 Q彈鮮甜, 口感豐富。橄欖油既香味同啲蝦鮮味係完美融合。食到舐舐脷…另外, 我地重叫左一道菜,叫骨膠原咸豬手, 見到碟野係有啲出乎意料之外, 冇諗過會係炆豬手,一心諗住係炸豬手。睇落碟野好似平平冇奇,但食落係有驚喜,口感一流,唔會一PAT 野, 岩晒我口味,啲豬手加埋啲香料入晒味,完全感受到餐廳既用心, 係心機之作。如果食得辣,點埋佢個配個個酸辣醋, 係會錦上添花,真係值得一試!BTW, 下次有機會再同朋友黎, 我一定要叫蒜蓉包點埋碟蝦個啲油,諗起都舐舐脷……查看更多

睇網上邊啲介紹，嗰日八點幾諗住去試吓新嘢，入到去，坐低咗就叫嘢食，泰國菜Max意大利菜咁嘅，叫咗個冬陰功海鮮湯，一個豬手，一個菜，一個意粉，豬手非常之差，極之多尖銳嘅碎骨喺入邊，豬手同個冬陰功湯鹹到不得了，極之難食，退返個豬手俾佢，話俾我哋換其他嘢食，求其換過灼墨魚之類，但等咗大半個小時都唔唔煮出來，期間亦冇新嘅客人入嚟，直至我哋叫埋單，佢先至放落去煮，跟住逼我哋要，服務態度奇差！照俾錢費事同佢嘈，兩個人食咗四百幾蚊，非常之嬲，希望大家小心咪中伏.…查看更多