聚來車仔麵

營業中

休息中

最近，我同朋友係深水埗食左間好出名嘅車仔麵叫「聚來車仔麵」，我叫左一碗三餸河粉，分別有豬頸肉、魚肉春卷同埋韭菜餃。首先，佢地豬頸肉份量好多，而且切成薄片，好易入口，肉質非常嫩滑，又多汁😋另外一款餸我揀左魚肉春卷，平時啲車仔麵都好少見呢款餸，佢嘅魚肉春卷好似腐竹同魚蛋結合嘅感覺。第一啖咬落去真係好有驚喜，因為佢嘅魚肉好彈牙而且肉質好鮮嫩。最後一款我叫左韭菜餃，佢係人手製作，啲韭菜好香，而且餃子皮薄多汁！🥰超級好食🥟🫶🏻 除此之外，河粉嘅口感彈牙，每一款餸嘅份量都適中，價錢亦唔係貴👍🏻朋友就嗌左碗豬大腸、牛腩、香辣魷魚紅薯粉～豬大腸經過熬煮後，質地軟嫩，入口即化。而且加入獨特嘅香料調味，味道濃郁。牛腩亦十分出色，經過長時間嘅燉煮，肉質變得極為軟嫩，牛肉嘅鮮美同香料嘅香氣相互融合，每一啖都充滿住濃郁嘅牛肉味，牛腩嘅湯汁亦為整碗麵增添左豐富嘅口感。另外，香辣魷魚好彈牙，加上香辣醬汁，真係十分惹味。紅薯粉嘅質地亦十分爽口，口感滑嫩。👍🏻甜品方面，我同朋友share左一個佢地好出名嘅爆醬阿華田西多士，入面仲要係夾住朱古力榛子醬，甜甜地食落真係好開心😙仲要切開西多士個陣，啲朱古力醬已經好似熔岩咁爆