南大門

營業中

休息中

上星期六一行12人訂咗海景房，環境舒適，有獨立廁所，仲可以開門出去有個戶外地方，如果同行有食煙人士一流👍🏻我哋嗰日叫咗好多海鮮，樣樣都好味😋豉汁炒蟶子蟶子厚肉，豉汁惹味夠鑊氣🥰龍蝦🦞芝士伊麵龍蝦啖啖肉，配合埋芝士伊麵冇得輸，麵嘅份量都幾多😆薑蔥焗蠔蠔🦪夠大隻飽滿，一咬落去有汁水出蒜蓉粉絲蒸帶子呢個都好味，不過未到嘩一聲，蒜蓉味有啲重手😗但海鮮係新鮮的蒸鮑魚隻鮑魚大大隻，唔會蒸得韌，咬落啖啖肉，好滿足😛椒鹽瀨尿蝦食到呢度已經超級飽🤣炸蒜鋪面，好惹味，呢度有七隻，但係已經勁大碟，證明勁大隻清蒸長腳蟹去到呢度差唔多食唔落🤣不過真係好新鮮啲蟹肉好有鮮味其實仲有條魚，不過真係食唔落聽同行朋友講魚嘅味道都係唔錯👍🏻火候掌握得好好😶好嫩滑最後仲有生果，木瓜同芒果，平時西瓜橙就食得多，半個芒果木瓜咁樣上真係未見過，夠霸氣😂最後仲有南瓜薏米露，不過配搭薏米真係怪咗啲，我諗搭西米會好味啲，去到呢度正式宣佈行唔郁😅另外想提一提呢度嘅侍應態度好好，有求必應，會好勤力幫你換碟，下次食海鮮都會再嚟😉