影片
更多
2023-10-18
18 瀏覽
咪睇佢鋪仔細細，晚飯時段都唔少人排隊，啲食客肯等，都間接證明嘢食有返咁上下，八卦望一望大家食咩，十有八九都係嗌一大盤好豐富堆到山咁高嘅拼盤，喺門口望一望Menu，應該係”Assorted Platter Set”，包啲咩呢？「三選一」焗多汁豬仔骨、脆炸美國魚柳、美國安格斯西冷九盎司但要加$40。多汁淫蝦、半隻慢煮蒜香春雞、炸軟殼蟹。你冇睇錯，我冇打錯，個Menu真係寫多汁淫蝦。「二選一」香炸薯條 / 真茄汁意粉。加埋total五樣嘢食，盛惠$490。要俾少少耐性等，因為職員話塊魚柳係新鮮炸，如果炸得唔靚仲會換過塊，總之炸到靚靚囝囝先俾你，所以當個拼盤一上枱，真係會感受到熱辣辣嘅氣息湧上嚟，嗰塊脆炸魚柳係真係脆㗎 ！外皮切開索索聲，啲肉就軟淋淋，我仲要大大塊大過手掌，堅係正。食春雞，最怕煮得好柴同埋啲肉有啲鞋，好彩呢隻春雞可以接受，而且表皮抌咗好多孜然粉，都幾好食。至於隻多汁淫蝦，肥大肉厚好咬口，汁就唔多，但係膏多，而且都幾香濃。仲有兩隻大大嘅蟹鉗，好細心地預先幫你剪開硬殻，輕輕一扭就成條蟹鉗肉出晒嚟，啖啖肉。炸軟殼蟹，雖然係墊底嘅菜式，但係我覺得一啲都唔失禮，香脆爽口之餘仲要幾濃味，鹹
咪睇佢鋪仔細細，晚飯時段都唔少人排隊，啲食客肯等，都間接證明嘢食有返咁上下，八卦望一望大家食咩，十有八九都係嗌一大盤好豐富堆到山咁高嘅拼盤，喺門口望一望Menu，應該係”Assorted Platter Set”，包啲咩呢？
「三選一」焗多汁豬仔骨、脆炸美國魚柳、美國安格斯西冷九盎司但要加$40。
多汁淫蝦、半隻慢煮蒜香春雞、炸軟殼蟹。你冇睇錯，我冇打錯，個Menu真係寫多汁淫蝦。
「二選一」香炸薯條 / 真茄汁意粉。
加埋total五樣嘢食，盛惠$490。
2 瀏覽
0 讚好
0 留言
要俾少少耐性等，因為職員話塊魚柳係新鮮炸，如果炸得唔靚仲會換過塊，總之炸到靚靚囝囝先俾你，所以當個拼盤一上枱，真係會感受到熱辣辣嘅氣息湧上嚟，嗰塊脆炸魚柳係真係脆㗎 ！外皮切開索索聲，啲肉就軟淋淋，我仲要大大塊大過手掌，堅係正。
2 瀏覽
0 讚好
0 留言
食春雞，最怕煮得好柴同埋啲肉有啲鞋，好彩呢隻春雞可以接受，而且表皮抌咗好多孜然粉，都幾好食。
2 瀏覽
0 讚好
0 留言
至於隻多汁淫蝦，肥大肉厚好咬口，汁就唔多，但係膏多，而且都幾香濃。
仲有兩隻大大嘅蟹鉗，好細心地預先幫你剪開硬殻，輕輕一扭就成條蟹鉗肉出晒嚟，啖啖肉。
炸軟殼蟹，雖然係墊底嘅菜式，但係我覺得一啲都唔失禮，香脆爽口之餘仲要幾濃味，鹹鹹香香咁好易入口。
差啲唔記得咗薯條，咪就係凍咗都唔會淋，脆卜卜嘅薯條🍟。
2 瀏覽
0 讚好
0 留言
張貼
