影片
2018-09-04
22680 瀏覽
Mr steak 曾經係我最喜愛buffet 既頭三甲，搬左去世貿之後都未幫襯過，今日同屋企人黎慶祝生日，終於有機會試。突登留定肚，真係超超超超期待。Book 左7:30~~~~~7:15 就排定隊等入座。未開始就周圍影下相同埋斟定野飲先。凍飲基本上得三款，檸茶，生果水，同埋蘋果汁。個生果水類似detox water, 入面勁多生果......等佢流出黎真係蚊訓，所以都係飲蘋果汁先🤣✨海鮮bar 種類都幾多，未食齋望真係幾吸引～～✨佐賀牛除左火炙壽司，仲有壽喜燒😍😍😍😍😍 ~~~呢個一定要留肚食多幾round~~~✨呢度環境比舊時闊落，不過放野食地方其實都唔算大，掟個彎一眼睇晒✨冷盤樣樣拎d 真係一個碟都裝唔晒。 先試個蜆...已經唔係話好鮮仲要有沙既，連最基本既凍蝦都可以係淡味😟....翡翠螺，青口果d超大隻，但又係普普通通得個樣。 龍蝦稍為好d 叫有d 味，不過肉質唔彈比較實仲乾乾地。 ✨我覺得最好食最有鮮味既已經係長腳蟹，不過食第二round 已經無咁多汁無咁好食😪。。成個心情感覺係跌晒watt...."食之無味，棄之可惜", 就係呢一種～✨男友一路好想食麵包蟹，可惜短期內都無供
Book 左7:30~~~~~7:15 就排定隊等入座。未開始就周圍影下相同埋斟定野飲先。凍飲基本上得三款，檸茶，生果水，同埋蘋果汁。個生果水類似detox water, 入面勁多生果......等佢流出黎真係蚊訓，所以都係飲蘋果汁先🤣
✨海鮮bar 種類都幾多，未食齋望真係幾吸引～～
✨佐賀牛除左火炙壽司，仲有壽喜燒😍😍😍😍😍 ~~~呢個一定要留肚食多幾round~~~
✨呢度環境比舊時闊落，不過放野食地方其實都唔算大，掟個彎一眼睇晒
✨冷盤樣樣拎d 真係一個碟都裝唔晒。 先試個蜆...已經唔係話好鮮仲要有沙既，連最基本既凍蝦都可以係淡味😟....翡翠螺，青口果d超大隻，但又係普普通通得個樣。 龍蝦稍為好d 叫有d 味，不過肉質唔彈比較實仲乾乾地。
✨我覺得最好食最有鮮味既已經係長腳蟹，不過食第二round 已經無咁多汁無咁好食😪。。成個心情感覺係跌晒watt...."食之無味，棄之可惜", 就係呢一種～
✨男友一路好想食麵包蟹，可惜短期內都無供應，唯有試下其他蟹。 呢個蟹一打開....已經感覺好淋，一食d 肉霉既。。。。頂。。。得個樣。。
我老豆前排街市買三十蚊一大份細細隻果d三點蟹仲好食過佢！
呢款蟹夾果時有d 已經蟹蓋同個身分解左🤭應該都好唔新鮮，負負負負分～～
✨魚生，稍為好食已經係帶子同埋赤貝，但味道都唔係好鮮，放題質素好過佢。
✨自從食過自己開既蠔，番唔到轉頭😵buffet 既蠔真係吸引力大減，只可以話唔澀唔苦，加晒d 汁幾易入口。真正好食既蠔～咩都唔加，都有鮮味起口腔停留。
✨好彩全晚都有一樣最好食既，就係短佐賀牛壽喜燒，個牛真係好滑好香，有種入口即溶既感覺，個汁又唔會太甜，連底既蔬菜都入晒味，呢個每次得一塊，食左幾round 😊～～～火炙佐賀牛都唔夠佢好食。
佐賀牛壽喜燒
176 瀏覽
0 讚好
0 留言
✨燉湯不定時推出，呢款螺肉燉雞湯都幾好飲，不過幾重薑味同埋蔘味，帶少少甘～～唔係個個都啱
✨熟既海鮮反而好食過個冷盤，個蝦同埋薑蔥炒蠔都都幾鮮味～～個東菇炆花膠幾腍幾入味。
✨正當對熟野有番信心時，整隻蟶子先。蟶子size 大大隻，但係蒸到老晒，點解可以咁韌，又無味，究竟發生咩事？？我以前心愛既mr steak 去左邊💔
✨牛扒牛味唔太濃，點埋芥末真係搶晒。另一款牛柳粒，乾到不得了。相比下羊架非常好食，厚身很黎軟硬適中，鎖住滿滿肉汁。
羊架
115 瀏覽
0 讚好
0 留言
✨甜品最好食一定係牛奶布甸，勁滑勁水嫩勁重奶味👍🏻檸檬tart 仔都好食，不過味道偏酸。 另外試左款朱古力蛋糕，入面乾乾的。桂花糕唔算甜，不過d 杞子唔夠腍好似有d 渣咁，甜品食左幾款就收手lu.
牛奶布甸
79 瀏覽
0 讚好
0 留言
✨折左每人大約$580, 本身價錢唔平所以對佢都幾高期望。加上以前食過幾次，真係覺得好正。今次海鮮各方面都幾失望，完全跌晒watt~~記得熱盤食左個意粉，係勁腍😪咁基本既野都可以out of standard ,真心好失望。
查看之前的留言 ()
nck1983
俺尖到呢......
2018-10-11
chachalin
D 海鮮好多都無咩味又蒸到韌晒，隻蟹霉都ok???????
2018-10-11
Games
我覺得樓主無俺尖，事實上我早前去完，已比負評，d野差到無野講，同以前係2回事
2018-10-29
張貼
