4口

營業中

休息中

餐廳主打福建閩南菜，餐廳經常有季節限定食材菜式，不時不食，今期限定食材係海蟶季節菜，餐廳選材採用高質食材，有多款海蟶菜式供客人選擇。餐廳位於港島香港國際金融中心二期商場2樓，裝修簡約以米色和木系為主調，座位寬敞坐得舒適，侍應招呼殷勤友善。福建金湯佛跳牆$268福建金湯佛跳牆配有麵線，金湯內有花膠、鮑魚、海參、竹笙、瑤柱、雞肉、鵪鶉蛋，湯底入口好有骨膠原又鮮甜潤喉。麵線與金湯混合撈勻，每條麵線都掛滿金湯醬汁，連麵線都有骨膠原的口感。小菜咸香酥炸黃花魚，炸至連魚骨都鬆脆香口。飲品桂圓檸檬烏龍茶，烏龍茶酸酸地甜甜地，顺喉清爽。沙煲豆醬焗黃魚$198黃魚沙煲上桌，香氣撲鼻，黃魚經廚師巧手用豆醬、蒜粒、洋葱和香茜作配料，煮到香噴噴，魚肉入口嫩滑。滋補野生紅菇紅菇蟶湯$148海蟶季節菜其中一款菜式，整個湯都係粉紅色，都幾耀眼。海蟶鮮甜，有新鮮海水味，湯底清澈，滋陰補氣。姬松茸竹笙排骨湯$58排骨湯入口有好香濃嘅姬松茸味，湯底清甜不膩，潤喉，熱辣辣上桌好飲。枇杷凍$48有薄荷葉作點綴，枇杷凍入口清新，微甜，呢款甜品唔錯。