山本屋 (海運大廈)

營業中

休息中

嚟自名古屋嘅山本家係當地接近百年嘅名店山本屋嘅香港第二分店已經係海港城開幕。主打味噌烏冬，烏冬用上日本小麥粉，以傳統技藝每碗都由人手打做，同大圍一樣可以由店外望入打麵房，又見到第五代傳人之一青木晃佑係度打麵同切麵。新店比起大圍第一間分店更加大，最大嘅亮點就係佢哋窗邊向海嘅維港海景，而且尖沙咀店仲有限定新產品添。有明太子拌平烏冬、赤味噌豬扒、仲有赤黑雞翼山。咁啱平烏冬未打好，唯有食返佢哋嘅招牌味噌湯鍋燒烏冬。味噌湯底係由岡崎八丁赤味噌和信州白味噌混合調製，微苦嘅八丁味噌結合柔和嘅白味增，的確味道香濃。上次食過天婦羅蝦好正就encore食多次，另外就叫咗一份黑赤雞翼山。雞翼山份暈足足有四隻雞全翼，一碟有兩個口味，一個係黑芝麻胡椒、另一個係辣椒粉。雞翼脆卜卜兩個都好惹味。