張公館

營業中

休息中

蟹粉扒時蔬上菜嘅時候見到滿滿嘅蟹粉真係呆咗，菜苗食落好嫩。蟹粉嘅味道幾鮮，好香蟹黃味。搭配埋蔬菜，咸淡適中，食落唔油膩又唔覺好清淡。蟹粉小籠包佢係每籠一隻，但一啲都唔細隻。而且塊皮好薄，輕輕咬一啖，啲湯汁即刻流出嚟，味道好鮮，蟹粉味道幾濃，仲有啲豬肉嘅香味，兩者混合得幾好。食嘅時候要小心熱，不過趁熱食味道一定係最好。佢個蟹粉同蟹肉嘅分量一啲都唔少，仲多過豬肉餡～香炸蝦棗 咬落去外皮好脆，可以感受到油炸嗰個火候掌握得唔錯，完全冇油膩感。內餡方面，蝦肉味好明顯，可以試到食材新鮮，仲有啲豬肉同埋蔬菜，口感豐富。上湯牛油大蝦球煎脆米粉底 侍應話要騰空個位上菜仲心諗應該無咁大碟，點知上菜之後佔咗半張檯🤣🤣佢個脆麵底好大份，同埋有種淡淡嘅米香味，就咁食都好好食！加埋個奶油蝦球，帶啲鹹香嘅鮮味，大推！！紅棗糕 食落去軟軟糯糯，紅棗味十分香濃，唔係嗰種加咗好多香精嘅甜，係比較自然嘅甜味，仲可以食到啲紅棗碎，口感幾豐富！