張公館

營業中

休息中

張公館坐落於銅鑼灣登龍街V Point 29樓，居高臨下，能飽覽維多利亞港的璀璨夜景🌃餐廳的裝潢典雅，以現代中式風格為主🏮座位寬敞舒適，適合親友聚會及招待商務客戶。🔸脆焗鮮鳳尾蝦吐司/2件  $96吐司外層酥脆，內裡鬆軟，亦不會過於油膩，搭配上鮮嫩的鳳尾蝦🦐蝦肉新鮮彈牙，口感層次豐富。🔸羊肚菌松茸竹笙花昔燉湯  $98燉湯蘊含著濃郁的香氣，羊肚菌和松茸味道鮮香🍄竹笙則增添了口感上的清爽。每一口都能感受到湯頭的鮮美與滋補🥰既暖胃又暖心，絕對是冬天的滋補佳品。🔸鐵板西班牙叉燒  $288作爲招牌菜之一，果然名不虛傳。叉燒選用西班牙黑毛豬肉🐷半肥瘦的肉質，細嫩多汁外層經過鐵板的高溫煎烤🔥形成了一層微焦的香脆外皮，內裡卻依然保持著粉嫩的色澤。🔸櫻花蝦脆米海鮮炒飯  $298炒飯粒粒分明，口感鬆軟，搭配上鹹香的櫻花蝦和香脆的脆米💥形成了獨特的口感對比。海鮮的份量十足，包括大大隻鮮蝦🦐鮮嫩帶子等，每一口都吃得豐富又滿足。

今日同男朋友慶祝週年紀念搵左呢間望維港既中菜廳試下菜🥳一入黎餐廳既職員都好好服務叫左壺龍井 有兩小碟前菜開胃🫖羊肚菌松茸竹笙花菇燉湯☕️燉湯一打開個蓋已經超香湯水清澈 飲落去羊肚菌同松茸既香味充滿曬成個口腔加埋竹笙爽脆既口感成道菜都好開胃好好食！九層塔鮑魚雞煲🐔遠處已經聽到個雞煲既滋滋聲埋到枱熱辣辣仲有陣陣既九層塔香氣雞件大細好平均而且炒得好嫩 就算係雞胸肉一樣好滑雞煲醬汁好濃好香好惹味 但都唔會覺得係死鹹🫡仲有加埋鮑魚 鮑魚掛滿雞煲既醬汁都好夾！而且煮得岩岩好 好彈牙 唔會煮到好韌 ✨係我食過最出色既雞煲！上湯牛油大蝦球煎脆米粉底🦐見到成餅脆米好大碟食落勁脆 湯底入面有好多隻大蝦球彈牙又爽口雖然佢有牛油底 但都唔油膩薑汁芥蘭🥬通常食芥蘭都好驚好硬身但今次食落都唔硬唔會有渣份量好足之餘 又帶黎淡淡薑味整體來講去張公館就好似去左酒店既中菜廳咁享受😋值得推介！

張公館（銅鑼灣）餐廳坐落於港島繁華鬧市登龍街28號V Point 29樓,餐廳設計以落地大玻璃張維港對岸海景進入眼廉,環境舒適,座位寬闊,餐廳主打粤菜,有多款廣東小菜和點心供客人選擇,服務員招呼殷勤有禮。海景商務午宴香茜鮮蝦餃,大大粒蝦餃內有鮮蝦和香茜,鮮蝦食落爽彈带有香濃的香茜味,麻辣燒賣,燒賣有麻辣味食落有驚喜,碧綠豆苗素翅餃,外型好吸引,表面有素翅,餡內有青嫩豆苗和鮮甜的鮮蝦。濃蝦湯海皇餃龍蝦湯內有瑤柱和香茜,湯底清甜不膩帶有香濃的蝦味,大大隻海皇餃內的肉碎和蝦肉比例均匀,食落鮮甜仲想再encore。鮑汁蝦子柚皮鮮蝦腐皮卷拌時疏鮑汁蝦子柚皮口感腍滑,鮮蝦腐皮食落香口帶有鮑汁味,生菜青嫩爽口。鹹魚蒸肉餅配叉燒黃豆海蜇拌飯鹹魚蒸肉餅口感有鹹香味,叉燒肥瘦均匀,甜中帶鹹美味可口,海蜇口咁爽彈。生磨蛋白杏仁,桂花五色糕蛋白嫩滑帶有香濃杏仁味,桂花五色糕色彩繽紛好吸晴,食落微甜带有清香的桂花味。

🙋🏻‍♂️餓底探員去咗銅鑼灣調查呢間中菜館，餐廳可以遠眺維港景色，餐牌上有多款推介菜式，選料上乘，賣相精緻，店員態度友善，服務周到，盡顯高級感🥣去濕湯🙋🏻‍♂️表示餐前奉送去濕湯，有薏米，土茯苓，赤小豆，燈心花，木棉花等成份，去濕解毒，啱晒近排潮濕天氣 🍤潮式香酥炸蝦棗 $108🙋🏻‍♂️表示蝦棗以新鮮蝦肉，豬肉，馬蹄等配料製成，外脆內嫩，口感彈牙，配上梅子醬，酸甜開胃🍖奇妙沙拉骨 $228🙋🏻‍♂️表示沙拉骨炸至香脆，口感好鬆軟，配上香甜沙律醬，食落香口又滋味🫛豉蒜炒三蔬 $168🙋🏻‍♂️表示三蔬分別有甘香嘅涼瓜，爽口嘅四季豆同香軟嘅尖椒，以豆豉同蒜茸炒成，食落香濃惹味🦐上湯牛油蝦球煎脆米粉底 $268🙋🏻‍♂️表示米粉煎成大圓餅形，顏色金黃，用湯勺將煎米粉敲碎成小塊，食落口感香脆，配上湯牛油蝦球，蝦球彈牙鮮甜，煎米粉蘸上香濃上湯汁一齊食，味道更加正📈吃貨指數😋好味度 9/10🔙返啅度 9/10

星期天好少飲茶，這次無敵海景以及精緻嘅點心令我最難忘，值得細細品味。香西芹菜鮮蝦餃餃子皮晶瑩剔透，鮮蝦口感爽甜，搭配淡淡的西芹香氣，令人一口接一口，清新又不膩口。蟹籽麻辣燒賣濃郁的麻辣味完全滲透到燒賣中，提升了整道點心的層次感。鳳凰煎珍珠雞把珍珠雞煎過後，外層微微酥脆，增添了不一樣的口感，而雞肉仍舊嫩滑且香氣十足。鮑汁腐皮卷鮑汁的鮮美被腐皮完全吸收，每一口都是濃郁的味道。生磨蛋白杏仁茶杏仁香滑順口，蛋白細膩如絲，入口即化，令人忍不住讚嘆其細膩的製作工藝。餐廳貼心地提供祛濕茶，餐中不斷地為客人添茶，讓整個用餐過程都顯得溫暖且周到。

呢日同男朋友去左銅鑼灣呢間中餐廳食dinner，可以望到好靚既維港海景。我地點左羊肚菌松茸竹笙花菇燉湯，湯一上枱，先聞到陣陣香氣，飲落清甜又唔油膩，啲羊肚菌同松茸嘅鮮味完全滲入湯入面，仲帶少少竹笙嘅口感，係鐘意飲湯嘅人一定要試嘅精品。潮式香炸蝦棗，外層炸到金黃香脆，入面啲蝦膠鮮甜彈牙，咬落去滿口蝦味，仲有少少香菜提鮮。唯一嘅問題係，食完一粒之後，真係忍唔住想再叫多一份！野菌燒汁牛柳粒，啲牛柳粒煎到啱啱好，嫩滑多汁，配埋燒汁同野菌一齊炒，味道濃郁又唔會太搶，真係好啱送飯。薑蔥鮑汁叉燒撈麵，呢個可以話係全晚嘅驚喜！叉燒肥瘦適中，鮑汁濃郁，撈埋啲薑蔥同麵一齊食，嗰個香味直衝腦門，簡直係味蕾嘅享受。養顏紅棗糕，甜品部分就清新得嚟又有驚喜，紅棗嘅甜味啱啱好，糕體煙韌有彈性，食完有種健康滋潤嘅感覺，女仔一定會鍾意。

-第二次介紹呢間高級中菜啦！好耐冇食，又想再食😆佢地有優質嘅食材、無敵維港海景🌃好適合大時大節帶長輩黎食餐好嘅🤩 🫖茶位$20/位🥜小食$20/位 🍄羊肚菌松茸竹笙花菇燉湯 $98/位集多種鮮味食材於一身，分別有瑤柱、冬菇、羊肚菌、竹笙、菜膽等，當中竹笙大件厚身，吸收大量湯水，必試👍🏻 🦐潮式香炸蝦棗 $108蝦棗以蝦作主料，整成大棗形態嘅丸子，係象徵團圓嘅吉祥菜。蝦棗外脆內彈牙，帶鮮蝦香味。蘸上特製柑桔醬，甜中帶酸，非常開胃😋 🫑豉蒜炒三蔬 $168三蔬包括豆、青椒、涼瓜。涼瓜微甘唔會苦，青椒炒到稔身入味。呢道菜好有鑊氣，豉蒜味道香濃，一食就停唔到口啦🥰 🍜薑蔥鮑汁叉燒撈麵 $198鮑汁味道帶海鮮鮮香味，薑蔥則清新醒胃。伊麵底軟滑彈牙，掛汁入味，整體比較飽肚。 🥚生磨蛋白杏仁茶 $48/碗非常香濃嘅杏仁味，蛋白口感嫩滑似豆腐花，養生甜品。

呢度景觀一流，能看到維港景色，裝潢華麗，是間高質食館。今日放假，就來叫一壺兩件，chill 下。✨️濃蝦湯海皇餃 用濃蝦湯襯托中式餃子，配搭新穎，有中西合璧之感。金邊湯碗盛著，十分矜貴美觀，打咭一流。✨️蟲草花绵花雞 雞肉超嫩滑，肉質嫩滑到用筷子夾起都滑返落碗。要夾幾次才能夾起放入口。✨️生磨蛋白杏仁茶 係呢度好出名的甜品，眼見每格必點。杏仁茶很香溜，茶內有豆腐花 和蛋白，增加層次感。味道不是很甜。✨️茶普洱茶葉香濃，下面有點著蠟燭爐，不易凍。📍銅鑼灣 登龍街18号 VPoint 29樓

今日去咗一間餐廳飲午茶，環境真係好靚，坐喺靠窗嘅位望出去，海景一覽無遺。Menu選擇唔少，我哋點咗幾款點心黎試～首先試咗羊肚菌素餃，餃子皮薄而透亮，咬落去羊肚菌嘅清香同蔬菜嘅鮮甜好突出，餡料調味淡雅又有層次，好開胃。跟住有蟹籽麻辣燒賣，燒賣頂部點綴咗蟹籽，入口先係微微嘅麻辣香氣，之後蟹籽嘅鮮味慢慢滲出，食落特別有驚喜。之後上咗龍蝦湯海皇餃，呢款真係亮點，湯底濃郁得來唔膩，帶濃濃海鮮香，餃子入面有蝦肉同其他海皇料，咬下去彈牙又juicy，湯同餃子相輔相成，令人回味。另外仲試咗椰菜長春卷，外皮炸得金黃酥脆，一啲都唔油膩，內餡用咗椰菜同其他蔬菜，清爽鮮甜，食落口感豐富又健康。酥皮菠蘿叉燒包都好值得一提，酥皮層次分明，咬落去鬆脆可口，唔會太油，叉燒餡甜中帶鹹，食完唔覺得滯。最後叫咗生磨蛋白杏仁茶，杏仁味濃郁純正，口感幼滑，加入咗蛋白後更加香濃，暖笠笠咁飲落去，覺得好舒服，完美收尾。整體嚟講，呢間餐廳嘅食物質素穩定，點心用心製作，環境同海景加分不少，服務亦都貼心，係一個飲午茶嘅好選擇，值得一試。

週日想l同長輩去一間坐得舒適的地方嘆茶，來到銅鑼灣 V point 嘅張公館，飽覽維港景色，裝修雅致舒適，坐低立即奉上熱茶。小食：兩款小食都好出色。酒樓好少供應的酸薑蕎頭，醒胃爽口花生及魚咸魚仔脆口鮑汁腐皮卷 2 件腐皮卷吸收濃濃鮑魚汁，非常入味，腐皮不會太軟爛，饀肉好新鮮椰菜長春卷兩條長條形春卷，咬落脆卜卜，內有椰菜幾清新，用杯子連埋西芹條放埋一齊五柳炸雲吞 3 件新鮮即製這道懷舊小食，外皮炸得金黃香脆，好脆口，點甜酸醬食，口感仲豐富碧綠豆苗素翅餃翠綠的餃子皮包住清爽的豆苗，加上素翅更添上高級感濃蝦湯海皇餃龍蝦湯底味道超濃郁，海皇餃好大粒，鮮蝦餃子餡好鮮甜

今次黎到V point 29樓嘅張公館晚飯餐廳一列落地玻璃望到銅鑼灣同對岸西九夜景環境唔錯試左推介菜式有家常菜有手工菜試試手勢羊肚菌竹苼花菇燉湯燉湯清甜湯料足潮式香炸蝦棗配金桔油手工蝦棗外脆內彈蝦膠夠哂鮮甜口感紮實帶點煙韌炸到金黃不油膩！仲要試埋佢特製金桔油甜酸平衡得剛剛好滴少少落去即刻提升層次～薑蔥鮑汁叉燒撈麵呢個撈麵真係冇得輸！麵條吸哂濃郁鮑汁叉燒肥瘦適中微微炙燒過帶陣焦香薑蔥更係畫龍點睛食落層次豐富重點係唔會太鹹太膩豉椒炒三蔬豆豉味香濃襯埋爽脆青椒、苦瓜同四季豆鑊氣十足尤其苦瓜甘香唔苦👍簡單家常但好好送飯最後仲有我最愛嘅生磨蛋白杏仁茶用左燉蛋白做底再加上鮮味嘅杏仁茶杏仁茶溜滑無粉感整個嫩滑順口手工小炒做得細緻食材新鮮張公館值得再訪

將公館真係好嘅選擇🧑‍🧑‍🧒‍🧒有儀式感、又有維港景色睇🌚⭐️最近鍾意飲啲🍜暖笠笠嘅湯 所以叫咗個羊肚菌松茸竹笙花菇燉湯🍄‍🟫🍄燉湯真係好清 好順滑 仲有菇味濃郁超香 🟤🤎羊肚菌是四大名菌之一，有豐富氨基酸，可以強身健體 💪🏼💪🏼仲可以增強免疫力 仲有松茸都有豐富營養跟住叫咗個🐷奇妙沙拉骨，熱辣辣新鮮整出嚟🔥啲骨有瘦有肥 味道口感都係非常平衡 岩岩好啲醬汁酸酸哋開胃 又唔會太漏🐒另外叫咗個💚豉蒜炒三蔬 分別有苦瓜青椒同埋 四季豆 🥒🥦成碟都係綠色 充滿營養價值啲豉椒炒得好香 啲苦瓜唔算太苦 可以清熱解毒🐵連唔鍾意食苦瓜嘅我都有食！最後個主食叫咗薑蔥鮑汁叉燒撈麵🍜估唔到咁大碟…. 一家人食都啱D鮑魚味好香 啲麵好爽口彈牙有一絲絲嘅青蔥同埋招牌嘅叉燒🐤食得好滋味

終於迎來了大假！！！好難得可以在平日飲餐茶！聽講銅鑼灣有一間海景餐廳《張公館》，趁天朗氣清，就去嘆返餐茶喇！🐓蟲草花棉花雞雞蒸得好滑，棉花索返晒啲雞既精華！😋🦐香茜芹菜鮮蝦餃粒粒都漲卜卜，看似冇乜芫荽，但食落好香芫荽味！皮薄餡靚。🦐濃蝦湯海皇餃橙紅色既湯令我以為係龍蝦湯😂 不過飲落係好香蝦味，好鮮甜！海皇餃入面好多海鮮，有蝦，元貝仔，魚等等。口感豐富！🍡椰菜長春卷以為係素菜，入面有蝦的！🥟五柳炸雲吞入面好多蝦！ 炸得好脆！加埋醬汁酸酸甜甜，好開胃！☕️生磨蛋白杏仁茶熱辣辣！蛋白好滑！好滋補！總結，呢間酒樓望到靚靚既海景，環境唔錯！！ 服務都好好！！

羊肚菌松茸竹笙花菇燉湯素湯的情況下，個湯好清，但係飲得出淡淡鮮甜。生磨蛋白杏仁茶飲落好香滑，但係都有淡淡杏仁碎嘅口感，飲完之後個杏仁味係會不斷喺口腔揮發，鍾意飲杏仁茶的不要錯過。野菌燒汁牛柳粒燒汁個味道恰到好處唔會太鹹，菌類大約有三款，都係好厚肉，同埋好實淨，牛柳粒咬落鬆軟，份量唔少。薑蔥鮑汁叉燒撈麵叉燒切成一條條，份量唔算多，但係個鮑汁就好入味，令到個伊麵好掛汁。豉椒炒三蔬味道唔差ge,但你必須要好喜歡綠色食物，先至好叫呢碟😂名副其實嘅綠色炒綠色炒綠色。

商廈高層中滿滿特色，眺望都市景色之餐廳，優質食物和細心服務，延續高質素粵式佳餚典雅的裝修，看到很多親友聚會，晚上人還是很多的，新年要吃中菜～香炸蝦棗這個比想像中好吃！黃金色，美味，在醬汁潤下，菜色的惹味，蝦肉彈牙口感非常好棒沙拉骨賣相精緻，酸中帶甜且肉質非常棒，滿滿咬口，非常下飯的菜花膠陳皮雞絲羮雞絲羹高級，花膠滿滿骨膠原，草菇香，湯料份量多，材料有雞肉絲，嫩香又有咬口，香濃的湯羹，非常吸引，朋友飲了很多呢紅棗糕蒸到熱熱，清甜消膩，不錯，一道經典與創新結合，營養豐富且美味以高質的中式甜品作結！棒喔