影片
更多
2023-05-13
179 瀏覽
呢間鐵板燒位於亨環天后喺地鐵站行兩分鐘就到餐廳主要以吧枱為主最屈機嘅就係餐廳嘅落地玻璃可以望住維港海景🏞️用餐真係頂級享受🤭今次叫左入門級個𝐒𝐞𝐭$𝟏,𝟑𝟖𝟎 𝐃𝐢𝐧𝐧𝐞𝐫 𝐒𝐞𝐭-季節前菜-დ 瑩光魷魚、田螺瑩光魷魚配咗柚子汁，食落酸酸甜甜好開胃。田螺好好肉，用黑梅汁醃製過所以食落辣辣哋，十分惹味！-刺身-დ 日本生蠔呢款生蠔來自北海道仙鳳趾，生蠔十分肥美，上面仲加咗三文魚籽同埋橘子啫喱，食落味道好鮮甜，完全唔腥唔苦。-季節刺身-დ 平目、間八、拖羅每款都有兩片，全部都好新鮮。食法由平目開始順住食，味道由淡到濃。我最鐘意就係拖羅，入口即溶而且好鮮，好高質！დ 燒右口魚邊身金槍魚腩手卷呢個手卷賣相好靚，紫菜超脆，上面放咗米飯，再鋪上滿滿嘅吞拿魚蓉同埋燒過嘅右口邊魚，口感好豐富。-鐵板燒-დ 沙巴虎蝦虎蝦好大隻，有成隻手臂咁長！師傅即場拆肉，蝦頭好多膏。師傅用蝦膏去調咗個汁，再淋上煎得好靚嘅虎蝦上。蝦肉食落好實正彈牙，配埋個汁好完美！დ 北海道帆立貝呢道菜嘅擺盤好有心思，帆立貝上面鋪咗三文魚籽，下面就有海帶做襯托。食落味道鮮甜，同海帶嘅味好夾。დ 香煎鵝肝伴藍莓醬鵝肝煎得好金黃亮麗，外層十
喺地鐵站行兩分鐘就到
餐廳主要以吧枱為主
最屈機嘅就係餐廳嘅落地玻璃
可以望住維港海景🏞️用餐
真係頂級享受🤭
今次叫左入門級個𝐒𝐞𝐭
$𝟏,𝟑𝟖𝟎 𝐃𝐢𝐧𝐧𝐞𝐫 𝐒𝐞𝐭
-季節前菜-
დ 瑩光魷魚、田螺
瑩光魷魚配咗柚子汁，食落酸酸甜甜好開胃。田螺好好肉，用黑梅汁醃製過所以食落辣辣哋，十分惹味！
-刺身-
დ 日本生蠔
呢款生蠔來自北海道仙鳳趾，生蠔十分肥美，上面仲加咗三文魚籽同埋橘子啫喱，食落味道好鮮甜，完全唔腥唔苦。
-季節刺身-
დ 平目、間八、拖羅
每款都有兩片，全部都好新鮮。食法由平目開始順住食，味道由淡到濃。我最鐘意就係拖羅，入口即溶而且好鮮，好高質！
დ 燒右口魚邊身金槍魚腩手卷
呢個手卷賣相好靚，紫菜超脆，上面放咗米飯，再鋪上滿滿嘅吞拿魚蓉同埋燒過嘅右口邊魚，口感好豐富。
-鐵板燒-
დ 沙巴虎蝦
虎蝦好大隻，有成隻手臂咁長！師傅即場拆肉，蝦頭好多膏。師傅用蝦膏去調咗個汁，再淋上煎得好靚嘅虎蝦上。蝦肉食落好實正彈牙，配埋個汁好完美！
დ 北海道帆立貝
呢道菜嘅擺盤好有心思，帆立貝上面鋪咗三文魚籽，下面就有海帶做襯托。食落味道鮮甜，同海帶嘅味好夾。
დ 香煎鵝肝伴藍莓醬
鵝肝煎得好金黃亮麗，外層十分焦脆，食落好creamy，油脂感香濃，配埋藍莓醬食好有驚喜。
დ 美國牛柳
師傅分別會整一碟厚切，一碟薄切嘅牛柳，厚切嘅牛柳食落就牛味濃d，肉質好juicy。薄切嘅牛就會包住香蔥，食落口感豐富。
დ 黑松露蟹肉炒飯
師傅好有功架，米飯除咗好有鑊氣之外，仲炒到粒粒分明，同時每粒米飯都吸收哂黑松露嘅香味，再配埋鮮甜嘅蟹肉，真係勁好味！
დ 炒雜菜
食咗咁多美味嘅海鮮同肉類，再食吓菜中和翻都幾好。有菇類、菜炒埋一齊。
-季節吸物-
當日嘅湯係白身魚湯，飲落好甜，魚味好濃但唔會腥☺️
-甜品-
დ 抹茶布甸配蕨餅
布甸好滑溜，蕨餅好煙韌！之後仲有海鹽雪糕，食完真係好滿足。
張貼
