La Moo Moo' s Steak and Fries (已改名) 查看

想帶另一半嚟呢間有情調嘅餐廳好耐，餐廳佈置浪漫有氣氛，啱晒拍拖。座位寬闊，嗰晚坐得好舒服今次試咗佢哋嘅Set Menu首先上嘅係紅蘿蔔湯配牛油餐包，個湯好滑。餐廳另提供自家製肉桂牛油，香味十足，配餐包食幾特別。凱撒沙律自己就揀咗紐西蘭安格斯肉眼扒（10oz）配洋蔥醬，牛扒牛味突出，5成熟火喉啱啱好。另外欣賞佢哋嘅炸薯條，香口得嚟唔會油膩朱古力唔會太甜，啱晒我呢啲怕甜人士另一半揀咗意大利烤燒腩肉卷，外皮鬆脆得嚟肉質嫩滑，調味唔錯，味道層次豐富。加$10揀埋任食薯蓉，口感細膩，配腩肉卷非常夾。餐廳員工服務態度良好，有機會再嚟食