影片
更多
2024-08-08
27 瀏覽
今晚有人揸車帶我到鯉景灣食泰國野，望出去好開揚，半開放式，但餐廳冷氣好足，夏天都唔怕熱。每枱之間都有空間，唔會覺得擠擁。店內以黃燈做主調，好有氣氛。大蝦冬陰功湯-味道好香，酸酸辣辣，涼左再飲變得甜。分量足足可以分到3大碗，有三邊大蝦，重有蝦膏😋小食拼盤-呢個拼盤好啱兩至四個人食，因為每樣小食都試到，強烈推薦👍🏻🐷泰式燒豬頸肉，香口，又唔會好肥，夾埋青瓜片食十分夾。🦐炸蝦餅，口感彈牙。🥟炸雲吞，外皮又薄又脆，估唔到原來係蝦滑餡。🐣泰式春卷，個餡料以雞肉甘筍為主，有少少粉。絲，唔似平時食到以素為主。🥗 迷你柚子沙律，超fresh，中間重有少少椰香味，超like~泰式肉碎生菜包-唔食得太辣，可以要求少辣，但會無咁惹味，呢個肉碎以瘦肉為主，啱晒怕左肥肉既我。菠蘿海鮮炒飯-有蝦、魷魚圈、蟹柳，面層望望既肉鬆腰果，飯粒炒得夠乾身。
今晚有人揸車帶我到鯉景灣食泰國野，望出去好開揚，半開放式，但餐廳冷氣好足，夏天都唔怕熱。每枱之間都有空間，唔會覺得擠擁。店內以黃燈做主調，好有氣氛。
大蝦冬陰功湯-味道好香，酸酸辣辣，涼左再飲變得甜。分量足足可以分到3大碗，有三邊大蝦，重有蝦膏😋
小食拼盤-呢個拼盤好啱兩至四個人食，因為每樣小食都試到，強烈推薦👍🏻
🐷泰式燒豬頸肉，香口，又唔會好肥，夾埋青瓜片食十分夾。
🦐炸蝦餅，口感彈牙。
🥟炸雲吞，外皮又薄又脆，估唔到原來係蝦滑餡。
🐣泰式春卷，個餡料以雞肉甘筍為主，有少少粉。絲，唔似平時食到以素為主。
🥗 迷你柚子沙律，超fresh，中間重有少少椰香味，超like~
泰式肉碎生菜包-唔食得太辣，可以要求少辣，但會無咁惹味，呢個肉碎以瘦肉為主，啱晒怕左肥肉既我。
菠蘿海鮮炒飯-有蝦、魷魚圈、蟹柳，面層望望既肉鬆腰果，飯粒炒得夠乾身。
張貼