摩登堂 (荃灣廣場) (已結業)

唔行過都唔知原來荃灣廣場開左間摩登堂～眼見舖頭裝修都幾舒適，而且有正餐又有甜點都幾吸引～ 冬陰公紅蝦湯（2位用）$88我好欣賞呢個湯有蠟燭㷫住個底，夠哂熱！而且酸辣度嘅平衡恰到好處，配料有蜆，青口，魷魚同埋蝦，用料十足！ 香辣九層塔炒蜆 $148估都估唔到蜆嘅份量頗多，完全出超乎我想像！炒蜆嘅醬汁非常惹味～ 曼谷醉貓炒金邊粉 $128 金邊粉炒得夠乾身，而且本身係唔辣，我地揀左加辣，會隨碟附上一兜辣汁，加落金邊粉後超正，即時將味道昇華到另一個層次！ 炭燒蜂蜜醬烤豬頸肉 $98份量多，外皮香脆，內裡又夠Juicy~ 榴槤糯米飯雪糕 $38 超正！！！連個雪糕都係榴槤味架！！非常出色！！ 芒果糯米飯雪糕 $32 淡淡嘅芒果味雪糕，配搭埋Q陣嘅糯米飯同埋芒果粒，口感豐富～ 班蘭生椰乳沙冰 $42班蘭味突出，味道唔太甜～ 雙蘋果碟豆花梳打 $36夠哂fresh, 食完野飲番啖好清爽！