瀛豐放題料理專門店

突然興起想食日本嘢食，但又想食泰國嘅嘢食，咁啱發現依間喺銅鑼灣的店舖啱啱好滿足到我兩種慾望。 店舖除咗有日本刺身等食物外，居然還有一些泰國的小食選擇！ 午餐設有放題或者set lunch 選擇。set既價錢大概$58至$88不等，包飲品同湯，相當合理。定食除咗有日本口味外，還有泰國食物set ,例如海南雞飯等放題的選擇，亦都相當多，除咗一般刺身例如三文魚油甘魚外，而且有一啲幾特別嘅選擇，例如火灸芝士魚生船、雙色拖羅蓉花之戀😻🍣個人極推火灸芝士魚生船🫢 三文魚相當厚切，配搭濃烈嘅芝士、飯、腐皮，絕對係極大滿足🥳🥳話明係有泰國的食物，當然唔少得叫豬頸肉、泰式燒生蠔。 味道絕對唔會令你失望。😋 外面仲可以攞小食，例如螺肉等，飲品同雪條甜品。 飲品亦都相當多元化，基本嘅可樂仲有一些比較特別嘅罐裝飲品都有。QR code亦可落單叫一些小食，例如榴槤波波、炸香蕉等等。