泰斗 (中達大廈)

營業中

休息中

今日約咗朋友去尖沙咀海防道泰斗食泰國嘢，已經唔係第一次嚟，之前印象嘢食好新鮮。今次order咗新派美味老虎蝦、海南雞、濕炒海鮮河、汁燒魷魚筒、蒜蓉包、烤薄餅、泰式蝦肉炒金邊粉，另外叫咗椰青。新派美味老虎蝦係兩大隻虎蝦煎香，再加上秘製冬陰功汁，然後上臺前再落酒喺表面，然後點火燒一陣，完全係打卡之選，而且做法特別，食落有酒香特別惹味。海南雞就絕對肉質嫩滑，而且一啲都唔肥，同埋特製三款海南雞汁將雞嘅味道推上另一層次。濕炒海鮮河及泰式蝦肉炒金邊粉 就夠曬泰式傳統味道，特別係個炒金邊粉第二度好難食到。汁燒魷魚筒就夠曬爽口彈牙，魷魚夠曬新鮮。蒜蓉包及烤薄餅即叫即整嘅關係，熱辣辣所以夠香口好好味。椰青係食泰國嘢必要之選，為呢餐畫上完美句號。