Le Viet

營業中

休息中

位於尖沙咀The One入邊4樓嘅泰式餐廳，Le Viet. 中午好多人食飯，要等一等位。午市呢有一啲套餐係平過主餐牌，可以跟埋嘢飲。佢嘅招牌菜係一個椰青海鮮飯，不過今次冇食到。大蝦菠蘿飯完整菠蘿，去親泰國都有菠蘿炒飯，通常都會上一個完整微波爐，呢一間就有一個完整嘅菠蘿炒飯。個面啦有啲肉鬆，另外入面嘅炒飯炒得好均勻，入面嘅菠蘿好甜有粒粒嘅菠蘿，另外仲有好多不同種類嘅肉類，完整大蝦仁等等。炒得唔錯亁爽。精選拼盤有春卷，蝦餅，蒸粉卷，仲有豬頸肉，四樣嘢。蝦餅炸得香脆。入面有蝦肉，蒸粉卷入面有肉粒雲耳等等，春卷係用泰式嘅米粉皮包住入邊有芋頭等等，豬頸肉肥瘦啱啱好。柚子海鮮沙律話明係沙律呢，就係凍凍地嘅，入面包含咗好多材料，除咗有蝦仁，魷魚，仲有新鮮嘅西柚，香脆嘅腰果，伴隨住呢就係白/紅蘿蔔絲。Refleshing，口感涼浸浸，夏天食呢就啱啱好。