ChaTraMue Cafe

營業中

休息中

餐廳在沙田新城市廣場，地點十分方便 。食物選擇多，主打泰式食品，咸甜俱備！坐低先叫兩杯泰式特飲，【泰國斑蘭珍珠朱古力鮮奶】、【泰國斑蘭珍珠抹茶鮮奶】用斑斕做嘅綠色珍珠好特別，好有東南亞風味。【泰式牛肉湯 - 安格斯牛肉河粉】用牛骨牛腩淆製嘅湯底，味道意外地鮮甜。安格斯牛肉高質，肥瘦適中。河粉份量多，一個人未必食得晒。【泰式海南雞飯】雞肉嫩滑，油飯飯香十足。見到Menu啲甜品賣相幾吸引，就叫咗兩個泰式奶茶口味嘅甜品。【泰茶梳乎里班㦸】口感鬆軟入口即溶；【泰茶千層蛋糕】就好有層次感，鬆軟嘅餅皮同順滑嘅奶油梅花間竹。兩個甜品都有濃郁嘅泰式奶茶味，喺香港唔係咁容易食到。餐廳無論裝潢同口味都係好地道泰式，鍾意食泰國風味嘅甜品，更加不容錯過。