The Grill Room (The Humphreys)

營業中

休息中

尖沙咀「The Grill Room」係區內人氣餐廳，平日晚上都座無虛席，裝修風格以清新、悠閑為主題，環境幾舒服，適合同親朋好友聚會。*此餐廳收取加一服務費。香煎帶子青口三文魚籽香草忌廉汁扁意粉（單點$218），表面鋪有豆苗、洋蔥、蒜粒，香煎帶子肉質厚肉，食落帶有一絲絲口感，味道鮮甜，藍青口食落好新鮮，略嫌肉質比較瘦削，扁意粉口感軟硬適中，配以三文魚籽、龍蝦汁食用，食落有雙重鮮味。牛肝菌蘑菇意大利飯（單點$168），表面鋪有即刨巴馬臣芝士碎、香蔥，牛肝菌口感脆嫩，食落好Juicy，經過香煎之後，其香味更加突出，飯粒食落有咬口，牛肝菌蘑菇忌廉汁味道濃郁，但食落不會覺得好膩，配料包括有鴻喜菇、蘑菇、蒜粒。法式薯蓉（單點$68），口感幼滑，食落帶有忌廉、牛油味道。是日廚師甜品（單點$88），法式焦糖肉桂蘋果金寶撻，表面鋪有草莓、朱古力醬、糖粉，奶酥口感酥脆，食落好香口，焦糖蘋果粒口感軟腍，食落充滿肉桂味道。