Y Pasta

當日經過好運中心，發覺新開一間西餐廳，價錢係沙田黎講唔算太貴，決定入去試試用QR Code落單，每款意粉都可以自訂選項轉意粉/天使麵/扁意粉等等，第一次食就唔轉～ 試下餐廳本身預設調配叫咗一碟龍蝦扁意粉同一碟虎蝦冬蔭公扁意粉，店員告知新開張期間有優惠，可用半價加飲品/甜品，於是叫了一杯芒果乳酪沙冰龍蝦意粉一上枱就聞到好濃嘅龍蝦味，未打卡已經好想食食落真係好重龍蝦味，好香好好食，龍蝦好鮮味，有芝士舖面，龍蝦冇overcook，質地彈牙煮得岩岩好！而且好多膏！意粉索晒龍蝦汁，超級香，亦都al dente唔會過熟！勁快清碟另外依碟虎蝦冬蔭公意粉比起龍蝦意粉就失色少少，冬蔭公汁唔夠酸，辣味比酸味多。而且略嫌虎蝦肉質唔夠爽彈，可以加以改善。整體都係一個好惹味既意粉，不過相比之下，龍蝦意粉太出色啦 芒果乳酪沙冰飲得出用新鮮芒果製成，冇假既香精味，亦唔會太甜，食到有d乳酪既奶味，同泰國舖d芒果沙冰唔同，飲落好滑身，唔會有碎冰，不錯，下次試埋雜莓乳酪沙冰先！依餐幾驚喜，特別個龍蝦意粉真係好高質好運中心依邊一向少西餐廳，估唔到幾好食，絕對有下次！除咗意粉，仲有小食、pizza、肉類等，算多選擇。今次得2