影片
更多
2024-08-01
583 瀏覽
咁啱陪細佬去沙田嗰邊行街，行到咁上下就喺商場附近搵一間舖頭食，嗰時睇Menu見到有疏乎厘就決定咗食呢一間。雖然個場都好爆，好慶幸仲有位坐。今次反其道而行食咗個牛扒同埋豬肋骨，下次應該嗌個漢堡包試下，既然佢主打漢堡包，啲漢堡包應該都好出色。‣ Australian Sirloin w/ Roasted Potatoes $178細佬好鍾意食牛扒，所以牛扒係真係必嗌。上枱嘅時候見到塊牛扒都幾大塊，而隔離啲蔬菜都係認真烤焗過，有心機。牛扒嗌咗五成熟，鍾意見到中間煎到粉嫩粉嫩嘅肉。油花未至於好多，但牛味十足，啖啖肉口感一流。‣ BBQ Baby Pork Ribs & Chips $168至於豬肋骨醬汁夠晒濃味，肋骨本身都燒得嫩滑，切嘅時候一啲都唔費力，食嘅時候亦唔覺得嚡口。但令到我覺得驚喜嘅係佢啲薯條，就咁嗌一份嚟食都相當唔錯。‣ Crunchy Panko Prawn $78爆谷蝦對我嚟講都好大驚喜，香脆得嚟都食到蝦肉嘅彈牙，搭配佢嘅香蒜蛋黃醬真係更添風味。食到一半嘅時候我落埋檸檬汁，結果就更加開胃，一啲都唔覺得油膩，小食嚟講覺得唔嗌嚟試吓真係會後悔。‣ Butlery’s Pancake
‣ Australian Sirloin w/ Roasted Potatoes $178
細佬好鍾意食牛扒，所以牛扒係真係必嗌。上枱嘅時候見到塊牛扒都幾大塊，而隔離啲蔬菜都係認真烤焗過，有心機。牛扒嗌咗五成熟，鍾意見到中間煎到粉嫩粉嫩嘅肉。油花未至於好多，但牛味十足，啖啖肉口感一流。
‣ BBQ Baby Pork Ribs & Chips $168
至於豬肋骨醬汁夠晒濃味，肋骨本身都燒得嫩滑，切嘅時候一啲都唔費力，食嘅時候亦唔覺得嚡口。但令到我覺得驚喜嘅係佢啲薯條，就咁嗌一份嚟食都相當唔錯。
‣ Crunchy Panko Prawn $78
爆谷蝦對我嚟講都好大驚喜，香脆得嚟都食到蝦肉嘅彈牙，搭配佢嘅香蒜蛋黃醬真係更添風味。食到一半嘅時候我落埋檸檬汁，結果就更加開胃，一啲都唔覺得油膩，小食嚟講覺得唔嗌嚟試吓真係會後悔。
‣ Butlery’s Pancake $108
佢嘅疏乎厘pancake真係要大讚，我好鍾意佢放喺上面嘅牛油，奶味香濃十足。上枱嘅時候都夠大份，而入口嘅時候口感都相當輕盈，將生熟度拿捏得好好。
‣ Strawberry Milkshake ＋$25
飲第一啖嘅時候就好後悔點解冇嗌多杯，雖然望到嘅時候就覺得超級邪惡，但係值得嗌一杯嚟試吓。佢嘅whipped cream都係好重奶味，入口夠滑溜，而奶昔本身唔會話好重冰感，係令我覺得好滿意嘅口感。
張貼
