柏麗廳

營業中

休息中

爸爸生日就一早預訂位於沙田帝都酒店柏麗廳自助晚餐，自助區主要有龍蝦、生蠔、長腳蟹及多款海鮮，刺身亦好多選擇，主要係有爸爸最喜愛的佐賀牛肉，可以選擇鐵板、芝士和牛漢堡、壽喜燒和慢烤鹽麴燒。每個煮法都各有特色，牛肉油脂分佈平均，入口牛肉味濃郁油脂滲出充滿口腔，非常美味。龍蝦同長腳蟹大大隻夠爽口，非常鮮甜，不用任何醬汁就咁食已經好好味。美國生蠔-蠔肉脹卜卜，入口鮮甜爽脆。鵝肝多士-煎得外脆內軟連埋多士一齊食，口感一流。刺身-有七至八款我哋選擇咗三文魚同帶子，帶子粒粒都好厚肉鮮甜，三文魚夠肥美。熱盤同甜品都有數十款，樣樣都好吸引。我哋7:30入場，所以可以欣賞到日本原條藍鰭吞拿魚新鮮空運！即席解魚！簡直大開眼界。在場亦有一個傳情達意的攤檔，可以等候甜品心太軟出爐，旁邊亦放咗一些紙張可以寫自己的心意給服務員，佢哋會幫你在碟上寫上祝福語，非常貼心。這一餐由主菜食到甜品屋企人都覺得非常滿意。