Bakehouse by Grégoire Michaud

營業中

休息中

沙田嘅市民有福啊，Bakehouse終於嚟到，除咗佢哋必食嘅酸種蛋撻之外，今次仲出咗好多沙田限定嘅產品，分別係沙田蜂蜜柑桔冬甩同埋楊枝甘露菠蘿包。🥧經典必食嘅酸種蛋撻，保持到一貫以來嘅質素，鬆脆嘅外皮加上柔滑嘅蛋漿，最重點係酸種麵包嘅棉密，簡直係昇華蛋撻嘅層次。🐼小熊貓最鍾意就係嘗新產品架啦。今次兩款都非常之出色，🍊蜂蜜柑桔冬甩即使佈滿糖霜，但係喺柑桔酸味嘅配搭之下竟然出奇地一啲都唔會膩，啱晒鍾意食唔甜嘅甜品嘅香港人🤣另一款🥭楊枝甘露菠蘿包，簡直就係經典童年回憶，菠蘿包鬆脆外皮加上滿瀉嘅楊枝甘露，就好似以前小朋友去中式餐廳一定要食嘅甜品，令人上癮。美中不足嘅地方就係佢太受歡迎，小熊貓建議大家都預留時間去排隊，因為美好嘅東西都係值得等待嘅。