影片
更多
2021-12-24
86 瀏覽
咁岩👦🏻👧🏻一齊放假，手頭上又有張Pirata Group coupon，加上平日有朋友推介，就決定去試下Pici😝🌟袐製肉丸 Homemade Meatballs身為標準Meat Lovers，緊係要試下肉丸啦！本來以為同瑞典肉丸差唔多Size，估唔到粒肉丸係King Size，同網球差唔多咁大。伴碟有蕃茄醬🍅，酸酸甜甜同肉丸好夾。肉丸質感唔會太實/ 鬆散，口感幾好，可惜醃得太重手過咸，要一路食一路瘋狂飲水😕🌟呑拿魚牛油果他他 Tuna Tartare作為前菜黎講佢係好開胃，酸酸甜甜既自家製醬汁，配上吞拿魚混合牛油果蓉🥑，食落好似係日本餐廳食緊sashimi既感覺。最緊要係吞拿魚完全無腥味同雪味👍。🌟鮮刨黑松露意大利細扁麵 Tagliolini Truffle👧🏻👦🏻認識Pici就係因為呢個黑松露意粉，所以都對佢有期望，又希望藉此回味下喺Croatia 食嘅鮮刨黑松露Risotto😍 鮮刨黑松露一如所料冇太濃烈嘅松露味，而係清幽嘅感覺。成個意粉嘅松露味係由松露油帶起，意粉質感好有咬口同爽口，冇平時意粉嘅澱粉質𣲷黐黐感覺，不過就唔係👧🏻杯茶啦☕️ 醬汁唔知點解會有種食緊吞拿魚白汁意粉感覺
🌟袐製肉丸 Homemade Meatballs
身為標準Meat Lovers，緊係要試下肉丸啦！本來以為同瑞典肉丸差唔多Size，估唔到粒肉丸係King Size，同網球差唔多咁大。伴碟有蕃茄醬🍅，酸酸甜甜同肉丸好夾。肉丸質感唔會太實/ 鬆散，口感幾好，可惜醃得太重手過咸，要一路食一路瘋狂飲水😕
🌟呑拿魚牛油果他他 Tuna Tartare
作為前菜黎講佢係好開胃，酸酸甜甜既自家製醬汁，配上吞拿魚混合牛油果蓉🥑，食落好似係日本餐廳食緊sashimi既感覺。最緊要係吞拿魚完全無腥味同雪味👍。
🌟鮮刨黑松露意大利細扁麵 Tagliolini Truffle
👧🏻👦🏻認識Pici就係因為呢個黑松露意粉，所以都對佢有期望，又希望藉此回味下喺Croatia 食嘅鮮刨黑松露Risotto😍 鮮刨黑松露一如所料冇太濃烈嘅松露味，而係清幽嘅感覺。成個意粉嘅松露味係由松露油帶起，意粉質感好有咬口同爽口，冇平時意粉嘅澱粉質𣲷黐黐感覺，不過就唔係👧🏻杯茶啦☕️ 醬汁唔知點解會有種食緊吞拿魚白汁意粉感覺，認真有啲失望🙍🙍♂️
🌟慢煮牛面頰寬帶麵Pappardelle Beef Cheek
牛面頰炆得非常軟嫩，意粉保持一貫的有嚼勁，連醬汁都充滿牛肉香味。👧🏻就鐘意寬帶麵 > 細扁麵啦😝 可能係因為用左牛頰肉，意粉變得比較油，碟底可以見到一pat油😩 食到有啲驚驚
🌟Tiramisu
之前已經食過Pizza Project就知Pirata Group嘅tiramisu係高水準之作，今次唔多評論啦☺️
🌟意式紅莓醬奶凍 Panna Cotta
Panna Cotta富有奶香，質感嫩滑，紅莓醬酸酸maymay，減輕咗奶凍嘅甜膩感。奶凍點都係比Tiramisu搶咗風頭，下次encore都一定係食Tiramisu😉
張貼
