Pici

今日同老公去沙田新城市廣場，意外發現了這家義大利餐廳，我幾中意佢呢種裝修風格，好似去左外國西餐廳咁！午餐都有很多選擇，還可以根據自己需要加配甜品。還有，每個餐都有法包，不夠的還可以問店員添加。喺上菜之前，佢哋會用一個紙袋裝住幾舊細細嚿嘅法包（5塊），跟著店員會倒上黑醋和橄欖油在碟子上，原來是用來配合法包嚟食，包有啲乾身唔太軟熟，未能保持微溫，如果唔夠是可以refill, 味道ok啦，唔係差不過又唔算好好食。吞拿魚醬小牛肉塗在上層的吞拿魚醬好香濃，好creamy, 但比較有少少鹹，塗在下層的小牛肉薄片幾香，唔會好乾好硬，有口感，勁美味。大蝦海鮮濃汁黑細麵餐廳所有意粉均為手工製造，比一般普通餐廳出色，好多餐廳煮意粉係煮唔到啲意粉入味，而呢個麵好夠味，新鮮大蝦配上香濃的海鮮汁真係好滋味，大蝦鮮甜多汁，蝦肉飽滿，細麵爽口彈牙，口感特別煙韌。意式奶凍配紅莓醬紅莓醬在奶凍的面層，奶凍好香甜，香濃柔滑夠奶味，甜和酸很搭配，比例好好。這裡真的是一個非常好的選擇，舒適的環境，氣氛好，適合和朋友慢慢傾計。食物都唔錯，以lunch set嚟講性價比極高，頭盤/餐湯、主食和甜品不用$200, 店內職員都好有禮貌，不時斟水，服務良好，它有多間分店在港九、新界，呢間沙田分店都算大，大家不防可以嚟試試。…查看更多

成日聽人講pici手工意粉好正，一於嚟試吓😋Set $283✨Starter：和牛骨髓他他 (3.5/5)和牛他他牛味超香濃，凍冰冰嘅他他放喺熱嘅骨髓上面～食既時候將骨髓撈他他，再鋪上超脆嘅法包片一齊食！😍 一啖咬落去，三種口感既正！🍝 Main：慢煮牛面頰寬帶面 (3.5/5)牛面頰慢煮到超級淋，牛味好出眾～不過啲寬帶面雖然都有咬口但就唔係幾掛到汁，但係整體都算好味既！🍰 Dessert：Tiramisu (4.5/5)呢個有驚喜！唔會太甜，帶微微酒香，個cream淡黃色，俾之前食過既更濃郁～單點：意式辣肉貓耳朵面 $138 （3.5/5)貓耳朵煮得啱啱好，超級煙韌，個辣肉醬汁香濃但唔膩，好快就清晒成碟～👍—整體👀👀可能expectation太高，冇話超級驚艷到我🫢不過佢既貓耳朵係煙韌，tiramisu出色，其他野就合理啦～😆味道：3.5/5回頭：3/5性價比：3/5 （有加一）環境：4/5服務：4/5…查看更多

本身為左食Bakehouse而經過附近🤪，點解6:00 已經冇曬位，咁唯有食番Pici 🫶, 一如既往高質，性價比又高，唔洗諗就入左去🤭最中意唔洗諗，夜晚叫左個$488二人餐，包2款前菜+2款意粉+2個甜品+2個drink , 係新城市食野有呢個價仲要高質仲想點👍🧡1️⃣慢煮牛面頰寬帶麵幾次黎都必叫，入味，掛汁2️⃣意式辣肉貓耳朵👂基本盤，好食，少辣過癮，掛汁正只係發覺附近幾抬客係男人都唔太夠食，始終係食意粉為主😂好彩個甜品夠漏、最後都飽😂😂…查看更多

Pici假日晚市不接受訂位，所以我們星期日6點就到，不用等位即入，但餐廳已經差不多滿座🤭餐廳主打手工意粉，麵條煙靭有咬口！我們試了幾款菜式，當中意式辣肉貓耳朵面（Orecchiette）無疑是全場焦點，味道口感完美，實在太好食，所以encore多一碟😆 不過，牛肝菌寬條麵略為失望，煙熏味稍重，蓋過了其他風味。🍰甜品絕對是亮點！Tiramisu幼滑濃郁，咖啡同mascarpone比例恰到好處；Panna Cotta則絲滑入口，配上酸酸甜甜的紅莓醬，正好解膩😋$258（一人份）/ $488（二人份）的set dinner包括前菜、意粉同甜品，性價比真心不錯！想食一餐滿足的意大利菜，Pici絕對值得一試！後記：今次又是生日飯局，雖然餐廳爆滿，員工仍然主動幫我們拍照，還送即影即有相片，而且態度好好，抵讚💗…查看更多

紹興蝦蓉意大利雲吞（SHAOXING HAA JUNG RAVIOLI）將中式紹興風韻的蝦蓉細膩包裹於意式雲吞皮中。入口鮮嫩彈滑，中西合璧創意融合。香草番茄醬青口（Mussels Cocotte）新鮮青口，以辣椒與大蒜爆炒出香氣基底，再加入酸甜醒胃的番茄醬慢燉。青口充滿了蒜香、辣意與茄汁的鮮美，一啖落肚，鮮辣滋味直衝味蕾，教人食慾大開。意式辣肉貓耳朵面（Orecchiette Nduja）Q彈爽滑的「貓耳朵」麵身，是南部意大利的經典形態。拌上惹味的辣味肉腸醬（Nduja），再點綴幾顆酸甜多汁的小番茄，每一口都充滿飽滿的南意風情，層次豐富得令人驚喜。經典牛肉千層面（Lasagna Classica）無疑是肉食爱好者的至愛之選。濃郁的牛肉肉醬（Ragu）、絲滑的香濃白醬（Bechamel）與鹹香的帕瑪森芝士，一層層細心鋪疊，經過焗烤後，芝士融化滲入每個縫隙，奶香四溢，口感厚實綿密。黑胡椒芝士手工圓麵粗壯的手工圓面，均勻裹滿佩科里諾芝士與現磨黑胡椒，芝士的鹹香與胡椒的辛香完美融合，每一口都夠晒「惹味」，素食者也能品嘗到意式風味的精髓。慢煮牛面頰寬帶面（Pappardelle Beef Cheek）這道菜的精髓，全在那塊慢炖了8小時的牛面頰肉。火候足夠，肉質變得酥爛無比，入口即化，鮮美的肉汁盡數鎖在纖維之中。寬扁的帶面能充分裹住濃郁肉汁，每一口都是肉香與麵香的極致交融。遺憾嘅係，有啲意粉壓得唔夠釋放唔到麩質，有啲意粉係爽口，缺乏韌性。…查看更多