影片
更多
2024-10-21
396 瀏覽
今日老細牛一🎂🎉放工入嚟沙田接埋佢，就去新城市食法國餐！♥️呢間餐廳幾個朋友試過都話唔錯，上到六樓～嘩！門口竟然要排隊？！咁真係應該名不虛傳啦～侍應介紹可以叫二人餐，性價比好高，一於照跟！！服務員態度非常和藹親切，好有禮貌，介紹我哋揀咗一個前菜、兩個main、一個甜品～餐湯：係薯仔雜菜湯，質感同平時飲開嗰啲唔太相同，唔係好滑，相反有少少咬口，但係味道又帶啲酸酸哋，可能落咗酸忌廉啩，都幾開胃！前菜：揀咗香煎帶子，帶子煎得啱啱好，非常juice～帶子底下個忌廉汁仲有啲脆脆大蔥碎，所以質感好豐富，有脆口、有軟滑、有彈牙～老細就梗係食牛啦～今日唔揀rib eye，揀咗tenderloin，牛脊肉比較瘦，medium rare啱啱好！肉味都幾香～最正係佢個醬用咗鵝肝砵酒醬，所以好香濃，同有陣陣酒香味～配菜啲薯仔都整得好好食，仲有蘆筍添！我揀咗香橙油封鴨腿，呢個菜其實我想食好耐，上次去嗰間冇得食，今日一定要試！！我知道個鴨腿製作過程非常繁複，又要燉煮入味，再香煎到個外皮脆口，先至淋返個香橙汁，果然鴨肉好嫩滑好香，又係一度口感豐富嘅餐點！！甜品梗係要食法國傳統嘅crêpe啦！火焰橙酒可麗餅：配埋點咗火
咁真係應該名不虛傳啦～侍應介紹可以叫二人餐，性價比好高，一於照跟！！服務員態度非常和藹親切，好有禮貌，介紹我哋揀咗一個前菜、兩個main、一個甜品～
餐湯：係薯仔雜菜湯，質感同平時飲開嗰啲唔太相同，唔係好滑，相反有少少咬口，但係味道又帶啲酸酸哋，可能落咗酸忌廉啩，都幾開胃！
前菜：揀咗香煎帶子，帶子煎得啱啱好，非常juice～帶子底下個忌廉汁仲有啲脆脆大蔥碎，所以質感好豐富，有脆口、有軟滑、有彈牙～
老細就梗係食牛啦～今日唔揀rib eye，揀咗tenderloin，牛脊肉比較瘦，medium rare啱啱好！肉味都幾香～最正係佢個醬用咗鵝肝砵酒醬，所以好香濃，同有陣陣酒香味～配菜啲薯仔都整得好好食，仲有蘆筍添！
我揀咗香橙油封鴨腿，呢個菜其實我想食好耐，上次去嗰間冇得食，今日一定要試！！我知道個鴨腿製作過程非常繁複，又要燉煮入味，再香煎到個外皮脆口，先至淋返個香橙汁，果然鴨肉好嫩滑好香，又係一度口感豐富嘅餐點！！
甜品梗係要食法國傳統嘅crêpe啦！火焰橙酒可麗餅：配埋點咗火嘅酒同奶醬，又係好香好吸引！🥰👍🏻😋
我哋叫咗兩杯餐酒，一杯Chardonnay，一杯sparkling wine，CHEERS！完美嘅句號～🥰♥️
張貼
