越男仔

營業中

休息中

沙田圍呢度其實都好多餐廳，今日食呢間超多好評嘅越南仔，餐廳裝修充滿着好多玩味嘅佈置。紅蕃茄火車頭煲天氣凍叫咗個火車頭煲，一上枱已經見到非常豪華。濃郁嘅蕃茄湯基底，酸酸甜甜，用料十足，食得出好多新鮮蕃茄肉，豆角，洋蔥等。火鍋材料非常豐富，包括牛肉片、牛筋、牛丸等。牛肉片嫩滑多汁，牛筋膠質滿滿，牛丸非常彈牙又爆汁。加$8加配黃薑飯絕對值得。黃薑味香濃，仲食得出好香嘅香茅同埋椰奶味。淋上濃郁嘅番茄湯汁，小朋友都胃口大開。天氣涼涼哋，食呢個熱辣辣嘅湯鍋實在非常正斗。蒜蓉牛油海南雞脾撈金邊粉主角海南雞脾非常嫩滑，皮肉均稱，上面淋上蒜蓉牛油汁，濃郁而不過膩。金邊粉非常爽口彈牙，米味香濃，仲加咗好多新鮮蔬菜，好清爽。撈金邊粉嘅靈魂醬汁魚露，酸酸甜甜帶微辣，咸香味濃，清爽解膩，可算係食過最高質嘅撈金邊粉。三色檬紙卷拼盤賣相一流，色彩繽紛。拼盤有三款特色檬紙卷，每款嘅基本元素係檬紙加滿滿嘅蔬菜同檬粉，蔬菜的確好新鮮。牛炸醬帶著燒烤香氣，牛肉軟嫩帶微辣。煙三文魚咸鮮味十足。手撕雞一絲絲肉質細嫩多汁，感覺健康又清爽。整道菜色彩鮮豔，好睇又好食。椰汁拉茶紅豆冰以香濃嘅椰汁為基底，口感濃郁順滑，加上濃郁嘅拉茶。