越男仔

營業中

休息中

搞咩搞到火燭？上次食啟德嘅”越男仔”比較似food court格局，雖然啲嘢食已經吸引好多目光。但今次嚟到沙田店，既然Menu更多選擇，就揀一啲更吸引目光嘅嘢😂 - “原隻太平燒雞”。原隻太平燒雞 $188 - 視覺效果夠晒震撼，今次唔止附近嘅枱，差唔多全店嘅人都望過嚟😂。當店員倒了酒後，一點火，真係好誇張…跟住店員就會拎去切。味道上佢係飲宴嘅炸子雞升級版。除咗有專屬嘅醬汁，咬落去嘅脆皮仲會滲出南乳味，非常濃郁美味。唯獨要留意份量相當多，我哋最後要打包😅。三色檬紙卷拼盤 $138 - 呢個由三文魚、牛炸醬、手撕雞組成嘅六件裝紙卷，咬落去味道同清爽兼備，做開胃菜又得，填下個肚又得。落埋醬汁，更勝一籌。越式生蝦沙律5隻 $128 - 原本只係想當普通沙律前菜，點知原來嚟到咁大份。咁我心諗都冇嘢啦，五隻蝦啫，生蝦沙律可以有幾飽肚？生蝦本身新鮮大隻，但原來真正嘅核心係個蝦頭度，佢唔只係炸，仲釀咗好多料入去原本好多蝦膏嘅蝦頭度。所以味道豐富之餘都幾飽肚。椰香漏漏啡 $31 - 其實就係滴漏咖啡，個底係有甜嘅椰汁，所以最後撈埋一齊係有甜味。不過個人認為個椰汁味道可以再濃啲。今次嚟到沙田店”越男仔”

星期日同朋友去咗沙田圍嘅越南仔，餐廳裝修特別，牆上有好多有趣的金句，菜品豐富，每道菜都有越南風味特色！價錢合理又夠飽肚，整體好有驚喜！絕對會再訪！🌊 河內三鮮（生蠔🦪+生蝦🦐+滑雞🍗）椰汁酸湯檬湯檬真係出乎意料咁正！湯底酸酸甜甜，加上椰香非常濃郁，啱晒鐘意濃味嘅人。生蠔同生蝦超鮮甜，滑雞肉質嫩滑，配搭非常出色！檬條煙韌，整體味道層次分明，食完仲想再嚟多碗💯🥖 加$15蒜蓉包（四件）蒜香十足！外脆內軟，趁熱食仲有啲微微嘅蒜蓉焦香，單獨食已經好好味，點酸湯或者海南雞汁一齊食更加一流！值得加錢試！🍗 招牌無骨海南雞海南雞真係啱晒懶人，完全無骨設計，肉質滑溜香嫩，香氣亦都一樣吸引。醬汁鹹香適中，完美提升咗成道菜嘅層次感！👍🥢 三色檬紙卷拼盤三款唔同口味：牛炸醬味濃但唔會太膩，煙三文魚帶有清新鹹香，手撕雞嫩滑而且帶有微微嘅甜味。紙卷皮薄而Q，仲帶少少彈牙感，絕對係越式頭盤嘅經典！🥥 椰汁奶茶紅豆冰椰汁奶茶混合紅豆冰，甜而不膩，飲落香滑又清新。紅豆嘅口感一粒粒好分明，完美為成餐劃上句號。🍹越南仔地址 沙田沙田圍路1-7號勵城花園地下1號舖

突然之間想食越南嘢但又唔想去咁遠食所以近近地去咗附近嘅越男仔食入到去覺得個環境都不錯有好多卡位而我哋就叫咗以下幾樣嘢生牛雙蝦椰汁酸湯檬：呢個好好食，生牛肉配上酸酸甜甜既湯，再加上外表有少少火炙煮得啱啱好嘅蝦，再加埋佢地自家製既醬汁，真係絕配招牌去骨海南雞配黃薑飯: 雞肉鮮嫩滑口，飯充滿黃薑味，好食至尊拼盤 ：包括芝心蝦多士 x 4 三壘煙三文魚檬紙卷 x 4 下龍灣蝦餅 x 4 蒜香牛油雞翼 x 2，樣樣都幾好食，而令我最鍾意既係芝心蝦多士，佢炸得好香口，而且蝦肉爽口彈牙，配埋濃厚嘅芝士，口感一流自製雙檸香茅薑蜜同龍眼蜜：2杯都好飲，解膩一流總括嚟講，我覺得佢嘅嘢都幾好食，位置對我嚟講又方便，可以再食

好耐無食過越南野啦 今日收工就嚟咗沙田圍食呢間越男仔河內三鮮椰汁酸湯煲 (送白飯)湯底係由雞骨熬製出嚟 仲加咗椰汁 酸子同醋 食落酸酸地好開胃 三鮮係生蠔 生蝦同滑雞 仲有蘿蔔 生菜 豆角等配料 好豐富! 蒜蓉牛油雙蝦扎肉撈金邊粉蝦頭炸過仲好多蝦膏 蝦肉表面鋪上蒜蓉入口好香牛油味 連埋扎肉撈埋甜酸汁一齊食 味道好夾秘製沙嗲串燒大拼盤菠蘿 雞 豬同牛各2串 串燒外皮烤到微微焦脆 肉質嫩滑juicy 一定要蘸埋佢地嘅秘製沙嗲醬 勁香濃 食落好惹味!越男仔鮮水果茶 (少甜)有青瓜 菠蘿同檸檬係入面 解渴又夠fresh熱龍眼花蜜茶新鮮自家煲嘅龍眼花蜜茶飲落清甜潤喉 仲有幾粒龍眼肉添

很少來沙田圍路，一場嚟到就試吓越南仔，食個下午茶。走進店裡，裝修風格非常鬼馬抵死，例如請勿拍照😉。讓人感覺玩味甚濃。因為天氣炎熱，我決定點一碗涼的撈檬，下午茶價錢CP值高。這道菜的特點在於它的配料豐富，竟然有四種不同的餸料，讓人感到驚喜，唔使自己煩惱食咩，真的是無得輸。除了撈檬，我還搭配了一杯凍馬拉茶，這也是一個明智的選擇。馬拉茶的香濃香料味道和撈檬的清爽酸甜味道形成了很好的對比，值得推薦給大家。

超級失望，食物普通，吹大左，價錢太過overpriced，夜晚三個人食咗四百幾蚊，只有兩個主菜一個小食， 最後仲發現咗收貴咗我,話明當日有優惠嘅主菜佢收咗我正價， 返到屋企睇單先發現，冇咩事都唔會再去。 中午幾十蚊一個lunch set都可以去下，晚市就咪搞了

越男仔勵城花園食野泊車真係好方便紅番茄火車頭煲，火車頭檬粉就食得多，用個打邊爐鍋上都係第一次，一路煲住一路食，唔怕d野會凍哂，牛肉，牛筋，牛丸，牛柏葉當然有齊哂，個底仲有牙菜豆角係底，唔使怕食得太多肉唔夠菜海南雞飯起哂骨啖啖肉又夠滑，黃薑飯粒粒分明，配埋個汁已經食哂個飯椰汁拉茶紅豆冰，三樣野出奇地夾，好味龍眼梳打，味道清新消暑芝士流心蝦多士大大件，外面香脆，面頭佈滿芝麻，內裡更有濃郁芝士，層次豐富

呢間好近我屋企，聽起朋友講過呢間好食。就約朋友去一試。果然不錯。推薦三色雞翼拼盤，有牛油，金蒜，蒜椒三隻味，而且係即炸香酥惹味，好好食！食物單價不貴，性價比都幾高。回頭率都幾高。

今個星期六同媽咪去呢間沙田河畔附近嘅越南餐廳撐檯腳。因為附近屋苑多，又近麗豪酒店，所以除左本地人外還有唔少遊客過黎食，餐廳未到食晚飯時間已經有唔少食客，可見食物質素有保證。今次試左個 「三色雞翼拼盤」，有齊牛油，金蒜，蒜椒三種味道，即炸香酥惹味，推介必食！主食叫左一客「軟殼蟹沙爹粉絲大脆包」，廚師幫手轉左蒜蓉包底。香脆蒜蓉包同軟殼蟹，配上微微辣味嘅沙爹粉絲，不知不覺就食晒大半碟。因為媽咪想食飯，又再叫左客「海南雞黃飯」，大大份雞肉配薑黃飯，媽咪好鍾意。最後飲埋杯正宗越南咖啡，好滿足！

咪話唔好意思，我呢個越南仔真係好正嘅！😋 「越男仔」呢間餐廳嘅嘢食真係多到唔得了，樣樣都好有越南風味。首先嗰個河內三鮮椰汁酸湯，香濃得嚟又幾開胃。🥥 雞骨熬出嚟嘅湯底加埋椰汁同酸子，酸味啱啱好，唔會太嗆。生蠔、生蝦同滑雞都新鮮爽口，正！串燒大拼盤就更加冇得頂啦！🍍🍗🥩 菠蘿、雞、豬、牛，四種口味輪住食，秘製沙嗲醬香濃惹味，肉質又嫩又多汁。三色雞翼拼盤都幾特別，蒜香牛油、金蒜同蒜椒三種口味，食得我手指都舐埋。🧄👅最後嗰杯凍龍眼花蜜茶，甜而不膩，幾解渴。🍯🧊整體嚟講，「越男仔」嘅嘢食真係唔錯，價錢都幾抵食。下次想食越南嘢，一定會再嚟。👍 不過就係人多嘅時候要等位，最好提早去啲。⏰

海南雞黃油飯 - 這道海南雞黃油飯看似簡單,但卻能展現出精湛的烹飪技藝，一啲都唔簡單。雞肉鮮嫩多汁與黃油飯完美融合。飯粒粒分明,吸附了雞肉和佐料的精華串燒拼盤 - 雞肉、豬肉和牛肉各有兩串，都烤至恰到好處,外皮焦脆多汁,內裡鮮嫩多汁。配上燒過既菠蘿，更加清甜多汁,為整盤增添了豐富的層次感。醬料恰到好處,既未蓋過肉類本身的鮮味,又能完美調和各種口感。大蝦冬蔭功湯 - 這道充滿東南亞風情的大蝦冬蔭功湯既清新爽口,又滋潤溫暖。湯汁濃郁,充分溶合了香辣的醬料,與鮮甜多汁的大蝦形成絕妙的搭配。飲品- 青檸梳打同三檸七，推薦三檸七，好特別有三種檸檬，咸檸, 青檸同檸檬

今日有嘢做嚟到沙田，朋友介紹我食呢間越南菜~ 我哋叫左串燒椰汁酸湯金邊粉，串燒冬陰功湯檬粉，蜜糖燒雞扒飯同埋鴛鴦雞扒飯~椰汁酸湯酸酸地，加埋佢哋嘅秘製蒜蓉汁同埋少少青檸，湯底好好味！呢個湯底出邊好少餐廳可以食到。冬陰功湯底係新出嘅，所以都想試吓，但係有啲失望，佢唔係好難同埋只係有啲酸味覺得唔夠多椰汁！不過佢啲金邊粉同檬粉都幾好食！另外飯方面，佢係用黃薑飯，感覺好健康，而鴛鴦雞扒即係海南雞同埋炸雞扒，呢碟份量都算幾多！推薦食海南雞啲肉質好滑，好好食！而另一碟蜜糖雞扒應該係煮燶咗好黑好硬！

沙田特色越南菜<<越男仔🇻🇳>>今日去河畔搵朋友，天氣熱，大家都想食d開胃野🥵呢間<<越男仔>>都幾多分店，一於再encore🤗我地叫左⬇️⬇️🍅冰鎮蜜糖凍蕃茄夏日炎炎，呢個凍番茄，清爽得來有啲甜味，作為開胃菜唔錯😉🦐生牛肉雙蝦椰汁酸湯金邊粉佢哋嘅金牌椰汁酸湯，食過幾次都唔覺得厭🤣 酸酸地開胃得來，亦都好香，湯粉嘅份量仲要好多，可以兩個女仔一齊share一碗🍜🍢串燒拼盤呢份串燒拼盤，係今晚嘅高分之作👍🏻 串燒有雞、牛、豬各兩串，同埋燒菠蘿，全部都笑得好香，肉質唔會乾，點埋沙嗲醬，完全係Perfect🩷🩷🩷☕️越南椰子咖啡朋友仔都覺得呢個咖啡幾出色，不過就要俾啲耐性，要等佢慢慢的滴漏完，再混合埋椰汁😝仲有好多小食都好想試，佢哋小食嘅份量都唔少，下次可以多啲人一齊嚟食😆😆

兩個人晚飯時間咁啱經過 ，見佢話喺名廚開既，有加入左法式料理，睇完menu就入去試下。入到去得嗰兩三枱客， 心諗會唔會中伏。。結果，真係換嚟失望。 店員冇招呼，淨係企埋一邊掛住成班吹水， 掉低個menu就行咗去，問多幾個問題都好唔耐煩咁。都算，呢個價錢以為味道一定唔會差，點知啲熱食煮出嚟係唔熱嘅🤦🏻‍♂️ 炸嘅嘢食都可以變做唔熱，都係第一次見 究竟要炸咗幾耐 先可以擺到咁嘅溫度味道偏淡同油膩，冇越南風味， 應該有嘅越南清新風味又無，但又食唔出有咩法國特色加左入去。最後兩個人埋單嘅價錢，出面有大把更好既選擇。間餐廳仲送啲咩優惠券去吸引客下次再去。。。返到去我地兩個人食完都肚屙🤦🏻‍♂️真係不了無下次😅

餐廳環境充滿越南風+港式元素，食物方面除了慣常的越南菜，亦有新式的Fusion菜式！【紅蕃茄火車頭煲】裡面有牛肉、牛筋、牛丸、雜菜等，蕃茄味非常濃郁！我們揀了配蒜蓉包，新穎的配搭！【至尊拼盤】有蝦餅、蒜蓉雞翼、芝士蝦多士、煙三文魚越南卷，非常豐富！芝士蝦多士香脆又彈牙！煙三文魚越南卷意外地非常夾！【海南雞飯】除了雞要好食之外，油飯都好緊要，呢個油飯好香椰汁，唔會好油，粒粒分明～【香茅青檸梳打】淡淡嘅香茅味配青檸好fresh～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾Like+分享給愛吃嘅朋友仔啦( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯