大紅袍火鍋料理 (已結業)

食過佢北角果間分店，給我印象好深刻，因為湯底好味，野食新鮮，但無奈九龍人無咩特別係唔會過香港，仲要係北角，所以都無咩機會再去。我每天都會經過果商場，大概半個月前，係好hit 排行榜既老夫子餐廳招牌上，多左個大紅袍招牌，查訊下，得知係北角同一分店，所以一定會找機會去食。雖知太子深水埗區大大少少好多火鍋店，要打入去都要有佢特別之處。大紅袍完全勝過同區其他火鍋店，環境，服務，美食都一一打倒其他，所以未食過既九龍人，一定要去試，係太子站行去唔駛二分鐘。先講店鋪，係老夫子餐廳上一層，環境裝修較暗，有一種高貴既感覺。有一掛卡位，但建議坐卡位要提前預訂，望街景的。服務方面，不論店員定經理都好有禮貌同笑容，加湯，收碟時都會問你意見同主動介紹食物。食物樣樣都好出色，可自行睇相參考。依餐飯加多二支啤酒同二渣自制涼茶吃了千八蚊。