香港永年車仔麵茶冰廳

營業中

休息中

📍永年呢間沙田店主打舊港式懷舊風，餐廳都花咗唔少心思佈置。呢度有鐵板餐食，同朋友叫咗個安格斯封門柳，揀咗五成熟，入口真係好軟嫩，牛肉醃過就算唔點汁都已經好好食！前菜仲可以揀餐湯或者沙律，揀咗個大蝦牛油果沙律，面頭仲會有啲Cocktail汁幾特別。叫咗大碗麵($108)貪入邊咩都有，豬腸醃得好香滷水味，幾乾淨冇羶味，同埋蘿蔔都冇渣幾清甜。另外叫女神麵($108)貪佢有花膠扒食，隻花膠質感比較爽口，另外仲有酸齋、枝竹球、冬菇等，湯底一定要加辣汁，加咗惹味好多。牛三寶入邊有牛肚、牛筋同牛柏葉，底下仲會有幾條菜心，牛筋炆得好軟腍又入味。