Arcadia

營業中

休息中

少見咁有氛圍咁fancy既餐廳，無論餐廳環境定係食物都好打able，而且仲有海景view，6點幾入座，由黃昏景到夜景都睇哂👍📎Bananananana：香蕉菠蘿椰奶，每種味道都調得恰到好處，又唔會太甜，所以成哂成杯都唔會覺得漏，反而係幾飽肚🤣📎First Love ：同bananananana岩岩相反，佢係入口比較清新，微微既番石榴味。📎特選芝士風乾火腿拼盤：擺盤好靚，除左兩款火腿兩款芝士，仲有好多唔同既水果乾果梳打餅配料，可以自己mix and match唔同食法，火腿唔會太咸，幾款水果都好清甜。📎脆炸軟殼蟹冬陰公海鮮意大利飯：意大利飯口感煙韌，軟硬適中，每啖入口都好香嘅微辣冬陰功味，最特別嘅係佢嘅蟹仔，成隻連殼食好脆口。📎澳洲MB2嫩牛柳：牛柳可以自選幾多成熟，揀左7成熟，切開仲係微粉紅色，火喉拿捏得好好，肉質鮮嫩，好有牛香味，而且因為係牛柳，一d唔會肥。食完臨走時餐廳侍應同我哋講可以去餐廳天台影相打卡，上到去都有好靚嘅佈置， feel到餐廳喺佈置環境上面真係落足心機。