影片
更多
2023-03-20
105 瀏覽
呢間餐廳成間都係湖水綠色裝修，有好多民族風格嘅枱櫈同埋復古海報，洋溢着滿滿嘅夏日氣息，仲有少少夢幻嘅感覺🫧，勁啱打卡📸！餐廳主打泰北依善菜，菜式比較地道正宗，唔係普通泰菜館嗰啲菜式，絕對值得一試！🥳另外值得一提嘅係餐廳播嘅音樂幾有品味，都係一啲懷舊經典嘅英文金曲🎶，好有品味好啱feel～------------------------------🥘◖泰北咖喱金麵◗ $128佢嘅面底係蛋麵黎，配上一舊仔炸嘅蛋麵，好香脆！呢個咖喱比較甜，椰奶味幾濃，而且都算辣；蛋麵彈牙爽口，好掛汁，真係好正！仲有雞扒作為配菜，肉質鮮嫩而且口感厚實，帶有好香嘅炭燒味！🦀◖蟹肉奄列◗ $138好巨型嘅一舊蛋包住滿滿嘅蟹肉，整到一個蛋捲咁，賣相已經好吸引！個奄列外層煎得有啲煙韌，建議點埋佢嘅辣醬，辣辣地更加帶出蟹肉嘅鮮味！🥭◖芒果糯米飯◗ $78擺盤好靚，芒果擺到成朵花咁，成碟嘢嘅份量唔係太大，相對嚟講芒果嘅份量都幾多！芒果果肉清甜；個糯米飯充滿住椰香，頗有咬口，但略嫌佢啲椰漿有啲重手，食到後面會有少少漏～🥥◖椰汁沙冰◗ $58同想像中嘅椰汁沙冰有啲出入，佢係奶味偏濃，椰子嘅味道反而冇咁出，微甜飲落都OK～🌟E
另外值得一提嘅係餐廳播嘅音樂幾有品味，都係一啲懷舊經典嘅英文金曲🎶，好有品味好啱feel～
------------------------------
🥘◖泰北咖喱金麵◗ $128
佢嘅面底係蛋麵黎，配上一舊仔炸嘅蛋麵，好香脆！呢個咖喱比較甜，椰奶味幾濃，而且都算辣；蛋麵彈牙爽口，好掛汁，真係好正！仲有雞扒作為配菜，肉質鮮嫩而且口感厚實，帶有好香嘅炭燒味！
🦀◖蟹肉奄列◗ $138
好巨型嘅一舊蛋包住滿滿嘅蟹肉，整到一個蛋捲咁，賣相已經好吸引！個奄列外層煎得有啲煙韌，建議點埋佢嘅辣醬，辣辣地更加帶出蟹肉嘅鮮味！
🥭◖芒果糯米飯◗ $78
擺盤好靚，芒果擺到成朵花咁，成碟嘢嘅份量唔係太大，相對嚟講芒果嘅份量都幾多！芒果果肉清甜；個糯米飯充滿住椰香，頗有咬口，但略嫌佢啲椰漿有啲重手，食到後面會有少少漏～
🥥◖椰汁沙冰◗ $58
同想像中嘅椰汁沙冰有啲出入，佢係奶味偏濃，椰子嘅味道反而冇咁出，微甜飲落都OK～
🌟Encore指數：9/10
張貼
