Restoran SAYA

大角咀利奧坊地下嘅「Restoran SAYA」，主打正宗泰式滋味，環境充滿泰國街頭風情，燈光暖黃有氛圍，鍾意泰菜嘅一定要book位！炭火燒物招牌必點🔥泰式炭火鹽燒魚$288🐟 新鮮魚肉用鹽包裹炭火慢烤，外皮焦香帶鹹，內裡肉質嫩滑多汁，鎖住滿滿海鮮鮮味炭火燒牛肉$208🥩 烤得外焦內嫩，肉汁豐盈，蘸埋泰式醬汁，香辣惹味，越食越香～多人聚會必揀小食拼盤$188😋沙嗲雞串香嫩多汁、豬頸肉條爽脆鹹香、炸墨魚餅彈牙十足、炸雞棗外酥內軟，四款小食一次過擁有！主食同蔬菜一樣出色！🌟泰北咖哩金麵配燒雞$128🍜 咖哩濃郁香醇，金麵吸滿醬汁，燒雞軟嫩入味飛天炒通菜$88火候十足，鑊氣滿滿，香味滲入通菜，爽脆解膩～生日慶祝必點生日版芒果糯米飯$128🥳新鮮芒果夠哂甜，糯米軟糯帶椰香，擺盤精緻生日更有儀式感！班蘭椰林飄香$88🍹班蘭香混住椰香同酒，清甜解油膩椰汁沙冰$58 🥥冰涼順喉，完美中和泰菜嘅酸辣～想搵正宗泰味，仲要環境夠哂chill~無論燒物、咖哩定甜品都好有水準，Restoran SAYA絕對值得一試！…查看更多

Restoran SAYA主打依善地區的傳統泰國菜，雖然餐牌上只有不到三十款食物，相比坊間一般泰國餐廳稱不上多，但自2023年起連續多年榮獲米芝蓮指南必比登推介——具質素且經濟實惠的美食，足以證明其「貴精不貴多」的實力，而晚上八時後入座更可享有海鮮七折優惠，名副其實「經濟實惠」。雖然店內面積不大，但採用湖水綠色為主調，再配上藤椅、壁畫等，充滿熱帶風情，打卡一流。最近更推出生日版芒果糯米飯，分為大($198)或細($128)兩種尺寸，更提供即影即有、生日蠟燭、生日牌及生日歌，作為蛋糕慶祝生日實在別出心裁。泰式煎蠔仔餅 ($128)蠔肉份量十足之餘粒粒飽滿鮮甜，煎餅酥化香脆而內裡輕盈鬆軟，底層芽菜粗身爽脆，令口感更加豐富。炸魚露豬頸肉條 ($88)豬頸肉較常見以炭燒方式烹調，油炸令外層更加焦脆香口，油香豐腴，外層加上魚露鹹鮮味濃並帶微微蜜汁甜味，比上次品嘗過的炭燒豬頸肉更令人耳目一新。依善辣豬肉碎生菜包 ($118)豬肉醉加入香茅、辣椒、檸檬葉、紅蔥頭等香氣十足，整體味道以酸辣為重，清爽開胃。牛肉炒寬河粉 ($138)寬河粉質感油滑彈牙但並不過份油膩，加入雞蛋、紅蘿蔔、粟米仔等配料實而不華，但鹹香濃郁而惹味，牛肉並沒有以鬆肉粉醃得過分軟腍，肉質結實且肉味香濃。泰式青咖哩·雞 ($138)用上原塊雞扒並預先烤焗，誠意十足惟肉質稍為乾硬；青咖哩香辣濃稠，椰汁香氣醇厚所以令咖哩辣度更加溫和，配上蒜蓉包外脆內軟。印度飛餅 ($38)並非油香酥軟類型，反而比較鬆散並帶微微甜味及奶油香，配以咖哩絕對是天作之合。泰式奶茶 ($38)眾所週知泰式奶茶甜度偏高所以亦無可厚非，但個人認為依然恰到好處，入口絲滑香濃且毫無茶澀。…查看更多

【香港米芝蓮正宗泰菜｜必試慶生芒果糯米飯🥭👍🏻】成日話香港服務態度差、嘢食難食又貴！今次我要平反下😂😂！前排同家母慶生，食到一間令人賓至如歸嘅香港米芝蓮泰菜—SAYA！令我呢個I人都食到好怕醜🤣因為佢地嘅侍應同老細都好熱情，佢地全晚full house 做到冇停手，但都好主動過嚟同客人傾兩句，服務滿分💯，值得高度盛讚👏🏻👏🏻原來Saya 已經連續三年米芝蓮必比登推介！👑 唔怪得服務咁高質！另外都好想讚佢哋嘅環境～打卡一流📸！以現代墨綠色為主調，裝潢盡顯時尚優雅，燈光微暗，情調十足💞食物味道亦好正宗！勁有泰國風情！我哋嗌咗：🔶 泰式咖喱蟹汁軟殼蟹（少辣） $188未食已經有濃烈嘅咖喱香🥘，食落帶有微辣嘅香料層次。軟殼蟹炸得好香脆鮮甜，搭配蒜蓉包口感更豐富。👅🔷 蟹肉奄列 $178奄列外層金黃酥脆，內層包裹鮮香嘅蟹肉，點埋辣醬食更加滋味！🤩🔶 牛肉炒寬河 $138牛肉炒得好香嫩，醬汁微咸好入味，整體口味香濃，好鐘意佢嘅口味！💞🔷 細生日芒果糯米飯 $128 ⭐️十分推薦💞！！呢款生日蛋糕好特別！🤩真係十足泰式風味以芒果糯米飯砌成嘅生日蛋糕，再配合生日牌同蠟燭，夠哂獨特！一份細嘅份量都好多，夠哂兩個人食～食芒果最怕酸所以好少食，但呢份芒果食落充滿果甜、啖啖果肉🥰糯米同椰漿亦好香濃！🥭🔶 芒果熱情果沙冰 $58飲品嘅酸甜平衡恰到好處，既有芒果嘅果甜亦有熱情果嘅酸甜，相當清新🥬！冰沙同樣好適合夏日清暑之用！🌞🔷 椰汁沙冰 $58椰汁好香濃🥥，加上清涼嘅沙冰，好適合夏日清暑，解辣都一流！😎📍：Restoran SAYA (大角咀) @sayahkg 大角咀嘉善街18號利奧坊地下G701號舖（奧運C1出口）…查看更多

📍 大角咀長期排隊熱店!原來呢間新式泰菜係米芝蓮必比登推介3年連續上榜✔️ 全落地玻璃配合墨綠色牆身，裝修帶點復古民族泰國風🎉🌀 泰北咖喱金麵採用泰國傳統金麵✨，口感同全蛋油麵好相似。咖哩湯底香料味濃，甜辣交錯，成個presentation 幾特別，金麵一半酥炸一半滑麵🍜，口感超有層次! 咖哩湯仲有一大塊燒雞塊，雞肉滲出淡淡的香茅味。 🌀 小食拼盤 一次過試晒店家招牌，沙嗲雞串 x2 / 魚露豬頸肉條/ 炸墨魚餅x 4/ 炸雞棗x 4，同一大班朋友share 啱曬! 雞串超大份，沙嗲醬鹹甜帶花生香；另外最鍾意個炸墨魚餅，墨魚餅外脆內彈牙，入面係有粒粒墨魚粒架。 豬頸肉條比較乾身，重口味但香氣十足。 🌀 蟹肉奄列 & 泰式煎蠔餅個奄列係珍寶Size! 層層蛋香＋爆量蟹肉，食完超滿足🦀。煎蛋層都好厚身，食完真係好飽肚。泰式煎蠔餅鋪滿大粒蠔仔，表面酥酥脆脆，吃起來口感豐富。🌀 芒果糯米飯生日蛋糕 真係第一次食芒果糯米飯變身生日蛋糕， 餐廳會自動準備埋生日蠟燭同生日牌! 芒果片捲成玫瑰花型🌹，酸甜新鮮芒果配搭班蘭香糯米飯，糯米飯仲要暖笠笠幾煙韌，淋埋椰漿真係輕輕鬆鬆就清碟。比起傳統蛋糕更有特色，下次生日聚會🎉必叫! …查看更多

係大角咀街角嘅Restoran SAYA,主打地道泰國菜,由泰籍廚師主理,風味正宗得來帶點驚喜!餐廳裝修簡約但充滿東南亞風情,牆上掛著泰式彩繪,播住輕快泰文歌, 一入去就好似瞬間穿越到曼谷街頭甘~餐廳菜式選擇都算多,由經典小炒到特色甜品都有, 而且價錢親民,份量十足,晚市經常爆場!而我地今次就叫咗最人氣嘅食品🦀🌯蟹肉奄列- 蟹肉多到跌出嚟！蛋皮煎得香脆，一啖咬落去滿嘴鮮甜，抵食過海鮮舖啊～ 🥭🥗泰式芒果柚子沙律- 酸酸甜甜好開胃！芒果甜、柚子夠爽又新鮮，加埋辣辣哋嘅魚露，食到停唔到口!🍜醉猫肉碎炒河- 鑊氣十足！河粉炒到乾身又入味，肉碎香辣惹味，真係會學醉貓咁「掃」晒成碟～ 🌶🦪辣椒膏炒花甲- 花甲肥嘟嘟冇沙，辣椒膏香濃帶微甜，夠曬惹味，最好送飯一齊食!🥭🍚芒果糯米飯- 芒果甜到漏，糯米飯暖糯椰香濃，好快就忍唔住食曬！🍵熱班蘭香茅茶- 飲一啖好似行入泰國spa！班蘭味好香，香茅醒神!🧊凍泰式青檸茶- 酸酸甜甜嘅青檸同茶味balance得啱啱好，夠曬清涼！餐廳坐得好舒服，無論係想同朋友傾計,定係一個人靜靜哋食個泰式下午茶, 都係一個唔錯嘅選擇~💕…查看更多