莆田 (港威商場)

營業中

休息中

阿爸阿媽返咗鄉下，今晚就同朋友出嚟食飯，揀咗呢間餐廳試下。啱啱入到去就見到佢哋好用心布置咗一番，因為做緊蟶子節，店員頭上戴住得意嘅蟶子帽，仲有啲蟶子造型嘅氣球裝飾，好有趣。🥢蟶子節優惠，$228可以揀兩款蟶子菜式，成個系列嘅選擇好多，我哋揀咗避風塘炒同冬瓜蟶子湯： - 避風塘炒蟶子：蟶子肉質鮮甜爽口，避風塘嘅蒜香同微辣味完全滲入蟶子裡面，每一口都充滿香氣，鹹香惹味，啱晒鍾意濃味嘅人。 - 冬瓜蟶子湯：湯頭清甜，冬瓜煮得軟滑，帶，蟶子鮮嫩，飲落感覺好舒服，適合用嚟平衡其他較濃味嘅菜式，兩道蟶子菜式一濃一清，個人覺得咁樣配搭幾好。 🐟百秒黃花魚黃花魚魚肉鮮嫩細滑，入口即化，鹹香恰到好處，整體味道清新。🐥脆皮蒜香雞（半隻）炸到金黃嘅雞皮幾香脆，一咬落去散發陣陣蒜香。雞肉嫩滑唔乾柴，鹹鹹香香好下飯。🥢興化炒米粉炒米粉係佢哋嘅招牌之一，炒得完全唔油膩，仲有淡淡嘅鑊氣。配料好多，有蟶子、芥菜、蝦仁、紫菜、花生等，口感層次豐富。特別推薦佢哋自家製嘅辣椒醬，微辣唔嗆，撈埋米粉一齊食好夾。