勁餃笑

營業中

休息中

湯餃套餐（8隻餃子），簡左黑松露豬肉餃同鮮蝦帶子餃嘅，配搭幾特別，黑松露味好香，豬肉同海鮮嘅味道都幾夾。麻辣雞絲拌麵轉咗扁麵，辣度揀咗正常辣，辣得嚟唔會太刺激，雞絲都幾嫩滑，加埋蔥花更加香口，想encore!醉雞翼都出色，酒味算突出，入味！！香辣花甲粉都幾有驚喜，花甲新鮮，湯底香辣得嚟唔會太油膩，正常辣度啱啱好，食完唔會覺得好口渴。炭燒雞肉串就正正常常，炭燒味唔算好突出，但雞肉都算嫩滑，唔會太乾。最後飲咗杯季節限定嘅自家製熱糖果雪梨水，甜度適中，飲落去好潤喉，啱晒食完辣嘢之後飲。另外佢嘅菜譜可以喺點餐嗰度免費點取，唔會過鹹，爽脆，超好味，必試！因為今次有啲熱氣冇叫到煎餃，見到人哋食好香好吸引，下次機會嘅話，想試埋佢嘅煎餃！！