味真 (已結業)

今日去了一家神還原嘅韓國料理店，佢味道嘅正宗跟我之前去韓國旅行品嚐嘅味道可謂一模一樣。店員特別推薦我們試一下豬皮，豬皮上檯時已經係熟，可以即食，可以放上爐上燒一下，豬皮經過特殊處理，超級酥脆同時帶有韓式香料的香氣。豬三層肉是一道非常經典的韓式烤肉菜色，肥瘦適中，滋味豐富，配上韓式醬汁調味，咸鮮甜美交織，非常可口。調味豬肋骨軟嫩多汁，醬汁滲透入骨，非常入味，２款肉亦可以夾生菜來吃，增加爽脆口感，層次豐富。午餐肉便當可謂韓式快餐的經典，飽腹感十足。肥牛麵豉湯湯頭濃郁鮮美，牛肉味濃且嫩滑，材料豐富，非常好飲。蜜桃梳打、蜜瓜梳打飲料清新爽口，正好解膩。店長店員非常友善，他們為我們解釋各種韓式菜品，醬汁特色及搭配方式等，教授最道地的烹飪技巧，為顧客提供寶貴的建議和示範。店長還親自幫忙燒及剪肉呢~最重要係佢地菜品好大眾化，而且可以少至100G，讓我呢些眼闊肚唔闊既食客，可以品嚐多幾款美食。