影片
港鐵第一城站 C 出口, 步行約6分鐘
繼續閱讀
付款方式
其他資料
Wi-Fi
酒精飲品
自帶酒水
以上資料只供參考, 請與餐廳確認詳情
估唔到沙田第一城入面臥虎藏龍新開咗間真韓國過江龍燒肉店仲係韓國人主理㗎. 小店裝修平實簡約光猛十足韓式地道家庭小店咁，但係估唔到原來咁猛料，喺韓國有超過20年歷史而且有超過130間分店，平靚正仲有專人幫你燒埋剪埋咁好服務而且仲有詳盡講解介紹食材同最佳食用方法，不得了. 水係自助，坐低店員奉上前菜，份量同款式已經超驚人，款款正宗好味好開胃. 醃蘿蔔、醬黑豆、蓮藕、涼拌沙參等等，另外仲有韓式沙律酸酸辣辣好開胃. 醬汁方面除咗必有嘅蒜、青辣椒、大醬等仲有韓式魚露同芝士全程用火熱住，仲有新鮮生菜可以包住燒肉食大減油膩感. 飲品有酒精同非酒精類選擇，叫咗西瓜梳打同甜米露，前者清新解渴後者解辣又充滿韓國風味. 肉類係斷gram計，以100 gram為單位，晚餐最少叫500 gram起，價錢相當貼地經濟實惠. 望落去肉質色澤粉嫩新鮮. 亦有幾款家庭套餐由大概四百多元至六百多元不等. ⭐️伊比利豬肩肉鎭店名物，豬肉味重，肉質柔軟細膩，肥瘦分布均勻. 唔油膩. ⭐️豬梅肉呢個豬肩肉肉質柔軟，有層脂肪燒完之後口感零舍爽口店員叮囑一定要食. 果然高質. ⭐️牛肋肉肉質結實、肉味濃郁.⭐️肥牛麵豉湯麵豉湯濃郁，個湯好足料，肥牛夠嫩，豆腐幼滑，仲有洋蔥大蔥等好入味，下飯一流. 如果冬天食暖笠笠好正. 兩個人食咁多嘢人均都係300有找仲要味道高質冇得頂👏🏻. 店員服務有禮友善，環境清潔企理，亦冇乜油煙味，真係唔錯. 平平哋去試吓午餐仲抵. 食完唔夠喉，佢哋仲有零售可以買走佢哋嘅傳統美食、泡菜、醃肉同醬汁.
繼續閱讀
味真 @mijinmeat_offficial 📍：沙田銀城街1-2號置富第一城地下G83-G85號舖🚗：第一城地鐵C出口 步行6分鐘📞：+852 2635-3008💲：~HKD220/head for dinnerFood quality✔️：泡菜豬肉湯、豬三層肉、豬頸肉👌🏼：牛肋肉、韓式雞蛋羹、甜米露、西瓜梳打總結：😋私心推薦嘅一間CP值極高嘅韓燒 隱藏於住宅之中 裝修都係平平無奇 鬼諗到竟然係間韓國🇰🇷過江龍….😋整體肉質冇話好正 試過好多次韓燒 都係嗰啲嘢 但呢度嘅價錢就令人驚喜 喺鬧市嘅一半 肉質差唔多但前菜好出色 性價比非常高👍🏼😋選擇韓燒嘅朋友一上枱就有一大盤前菜畀你打卡 點估到賣緊$42/100g 豬三層肉呢個價都有咁高質素🥹前菜包咗涼拌蘿蔔乾、沙蔘 醃製茖葱 泡菜 辣生菜沙律 醃蓮藕同豆乾 佢嗰蓮藕好好食 另外仲有四款醬😋見到有生蒜 茖葱 青辣椒🫑就覺得好地道 果然有個韓國老闆在場 😋佢碗泡菜豬肉湯 大碗得嚟仲要足料 重點係$60only 其他同類嘅賣緊百幾蚊一碗都未必咁足料 同埋越飲越辣 啲泡菜勁嘢😎😋人均$200仲有員工幫你燒 當然你可以自己燒 令我哋最驚喜係到最尾嗰爐係冇痴底 仲要好乾淨….好想知係咩牌子😣😋試咗三款肉：豬三層肉 豬頸肉同牛肋肉 整體豬好過牛 肉質就正常 但價錢太抵玩所以滿意有突🫡🤔韓式雞蛋羹 $35 係畀一大個石鍋你食 以呢個價嚟講簡直係超值之選🤔飲品選擇都係韓式飲料多 個人覺得可以多啲酒類選擇 價錢又係好合理😉🤔我幾肯定呢間嘢開喺旺區價錢應該翻一倍 晚市我已經覺得好抵食 睇餐牌見佢午市仲抵食 臨走前見佢嘅紫菜卷賣緊$20/盒 簡直良心價🤣
繼續閱讀
沙田第一城原來有間咁正宗嘅韓燒🤩仲要係韓國人主理而且食材非常新鮮！！淨係前菜同醬料都擺到滿滿一桌😍醬料除咗有平時常見嘅鹽同包肉醬仲有好特別嘅蕃茄辣醬🍅辣椒沙律醬🌶️韓式魚露🐟另外包肉嘅配料除咗有生菜同白蘿蔔仲有一款響韓國空運到港嘅醃製茖蔥員工姐姐話香港其他韓燒餐廳好少會食到🤩酸酸地有少少咬口用嚟包住豬肉食好解膩一路食前菜沙律同好好味嘅醃蓮藕員工姐姐就一路上今晚嘅主菜同幫我哋燒肉😋先嚟800g嘅豬肉set🐷 包括豬三層肉、豬頸肉、伊比利豬肩肉、豬皮同香腸😋啲肉未燒好但都有預先燒好嘅原味豬皮加埋黃豆粉、咖哩粉同豬皮醬真係世一‼️‼️豬皮燒得好油香好煙韌好好好好食！！基本上食咗第一嚿之後就停唔到口🤤🤤而佢哋嘅豬肉真係超高質👍🏻👍🏻有肉味但完全無豬騷味！有響韓國食嘅感覺🤤特別鍾意伊比利豬肩肉😋軟嫩多汁又夠油花！蘸埋旁邊嗰碟溶咗嘅芝士真係大滿足！燒肉當然要食埋牛肉🐮我哋就叫咗原味同醃製兩款牛肋條每塊都好厚切～煎香咗真係啖啖都係滿足感！原味嘅加少少鹽食夠晒原汁原味醃製嘅就更軟嫩～包埋生菜同蒜片食真係十個正！我哋另外仲食咗一口魷魚、泡菜炒飯&牛肉麵豉湯員工姐姐幫我哋燒得個魷魚剛剛好到處理個炒飯時仲係韓國ajeossi大叔幫我哋成件事都好有儀式感🤩🤩雖然已經勁飽但都無後悔要埋個牛肉麵豉湯！真係勁好飲！但個胃已經無位撈個白飯😂餐廳提供嘅飲品種類亦都唔少～我哋飲咗西瓜汽水、白桃汽水仲有超韓嘅米露！不得不說短短兩小時我真係覺得自己走咗轉韓國咁！仲要價錢唔貴！非常抵食！下次要再帶多啲朋友嚟試多啲菜式先🤩
繼續閱讀
午餐食嘅，好似係50蚊一份 (唔太記得)最記得係佢紫菜飯卷啲飯口感麻麻😅餡料就正正常常啦， 就如圖所見都係嗰啲common嘢有配埋啲韓式小菜(豆芽同埋泡菜)份量嚟講其實好少(個人覺得)，食完大概六成飽， 不過堂食嘅話好似價錢都係咁上下想食嘅話可以試下反而另外試過一個人參雞湯飯就唔建議😅好淡冇咩味， 冇影到相，不過嗰次食嘅時候就係一路食一路唔想食😅同埋碗飯個質地又係麻麻地另外間舖頭有做韓燒，抽風好似唔係咁好，梗係覺得有陣煙味
繼續閱讀
第一城新開咗間韓國過江龍燒肉，作為沙田友梗係要試下。店係由韓國人主理㗎，所以裝修都好韓式地道，有韓國風味。原來餐廳喺韓國有幾十年歷史仲有超過130間分店，估唔到咁勁！一坐低店員好好服務咁拎左唔同嘅前菜同配料。份量同款式超多同韓國一樣。有醃蘿蔔、醬黑豆、蓮藕、泡菜等…醬汁同配料有蒜、青辣椒、大醬，仲有韓式魚露同熱溶芝士。韓燒必有嘅新鮮生菜都有，可以包住燒肉食冇咁油膩。肉類係用gram計，以100 gram為單位，價錢貼地性價比高。有選擇困難亦有幾款set可以叫，咩都有啲夠perfect。伊比利豬肩肉係必食，好重豚肉嘅味道，肉質柔軟細膩，肥瘦均勻，大推！豬梅肉肉質拎好柔軟，燒過嘅脂肪口感超正，好高質。牛肋肉肉質結實、牛肉味都好岀。天氣開始涼所以嗌左個牛肉麵豉湯暖身。麵豉湯好濃唔會欺場。個湯好足料充滿肥牛同豆腐，仲有洋蔥吊味。食到好飽每人都係$300，cp值高，值得一試~
繼續閱讀