影片
更多
2022-08-10
81 瀏覽
餐廳：The Dutch House Restaurant (尖沙咀)地址：尖沙咀廣東道116-120號海威商業中心16樓尖沙咀廣東道呢間新開咗兩個月嘅正宗荷蘭菜館The Dutch House Restaurant @thedutchhousehk @dutchhousehk 由入廚超過40年嘅米芝蓮1星大廚主理，佢除咗喺一個荷蘭土生土長嘅華僑之外，仲喺一位品酒師，喺荷蘭拎過唔少獎🏆大廚返咗嚟香港6年，見香港無咩荷蘭菜餐廳🇳🇱，所以就決定將當地傳統同特色菜式帶到嚟香港。大部分餐廳食材都喺嚟自荷蘭，有部份食材喺嚟自本地市場，務求新鮮同埋高質素，大廚每日早上都會親自去市場揀選最適合最靚嘅材料👏餐廳裝修堂皇而且充滿歐式風格，有駐店畫家Alfred Yu設計多幅同荷蘭有關嘅畫比食客欣賞🖼，一邊聽住音樂🎶，一邊望住窗外九龍公園嘅綠油油景色，確實喺幾寫意🥰✝️荷蘭希靈魚 $138餐廳嘅小食大部份都喺荷蘭當地隨處可見嘅街頭小食，味道比較濃，皆因荷蘭喺一個啤酒國家🍻，呢啲小食最啱佢哋配埋啤酒一齊食😋。呢份成條連魚尾嘅去骨生醃荷蘭希靈魚食落鹹香，鮮味十足🤏，嫩滑嘅魚肉配上醋、橄欖油、酸瓜、洋蔥碎等材料，
地址：尖沙咀廣東道116-120號海威商業中心16樓
尖沙咀廣東道呢間新開咗兩個月嘅正宗荷蘭菜館The Dutch House Restaurant @thedutchhousehk @dutchhousehk 由入廚超過40年嘅米芝蓮1星大廚主理，佢除咗喺一個荷蘭土生土長嘅華僑之外，仲喺一位品酒師，喺荷蘭拎過唔少獎🏆
大廚返咗嚟香港6年，見香港無咩荷蘭菜餐廳🇳🇱，所以就決定將當地傳統同特色菜式帶到嚟香港。大部分餐廳食材都喺嚟自荷蘭，有部份食材喺嚟自本地市場，務求新鮮同埋高質素，大廚每日早上都會親自去市場揀選最適合最靚嘅材料👏
餐廳裝修堂皇而且充滿歐式風格，有駐店畫家Alfred Yu設計多幅同荷蘭有關嘅畫比食客欣賞🖼，一邊聽住音樂🎶，一邊望住窗外九龍公園嘅綠油油景色，確實喺幾寫意🥰
✝️荷蘭希靈魚 $138
餐廳嘅小食大部份都喺荷蘭當地隨處可見嘅街頭小食，味道比較濃，皆因荷蘭喺一個啤酒國家🍻，呢啲小食最啱佢哋配埋啤酒一齊食😋。呢份成條連魚尾嘅去骨生醃荷蘭希靈魚食落鹹香，鮮味十足🤏，嫩滑嘅魚肉配上醋、橄欖油、酸瓜、洋蔥碎等材料，學荷蘭人咁成條拎起放入口先夠風味😜，配料嘅配搭中和咗希靈魚嘅魚腥同鹹味，齒頰留香
✝️廚師發辦 $988/每位
呢個廚師發辦喺二人起計，餐廳大廚會因應時令食材去安排六款特色嘅荷蘭菜式比你品嚐，加$200仲可以加埋”Wine Pairing”套餐，喺品嚐每道菜式嘅同時，作為品酒師嘅大廚會安排埋最夾嘅酒比你一同享受，將滋味Double Up🥂，鍾意飲酒嘅你一定唔可以錯過
✝️荷蘭香腸配洋葱蛋黄咖喱蕃茄醬
新鮮即叫即焗嘅荷蘭香腸用咗混合雞肉同豬肉去整，同一般香腸唔同，荷蘭嘅香腸無外層果層腸衣。焗過嘅香腸外層微微焦脆，中間切開加上唔辣而且充滿陣陣蕃茄香嘅荷蘭咖喱汁、沙律醬同洋蔥碎🧅，食落一啲都唔dry，配埋荷蘭史上最古老嘅烈酒品牌——Bols Corenwijn琴酒，38%嘅酒精濃度唔知你又頂唔頂得順呢😏
✝️荷蘭橡木煙熏魚
鰻魚喺荷蘭嘅受保護魚類，所以供應量非常有限，大廚將荷蘭野生鰻魚用橡木煙熏6個鐘💨，加上自家調製嘅蜜糖芥末醬同沙律🥗，口感食落有別於日本鰻魚嘅腍身，反而比較爽嫩，配埋日本清酒又喺另一番風味🍶
✝️荷蘭傳統青囗鍋
用咗荷蘭訂購返嚟嘅Prins & Dingemanse青口蒸鍋，加咗牛油🧈、紅蘿蔔🥕、洋蔥🧅、西芹、百里香、白葡萄酒、奶油等去煮青口汁，
等到青口就熟嘅時候冚蓋，用蒸焗嘅方式去令青口啱啱好熟，確保唔會煮得太熟而令肉質變得太老或者嚡口，值得一提佢哋嘅青口喺荷蘭飛機貨🛫，包裝裝滿當地海水同注滿氧氣，去到餐廳嗰陣啲青口仲喺活生生🤩，飲埋Double 8 Classic Sauvignon Blanc 2019白葡萄酒，更加帶出青口嘅鮮味
✝️香煎荷蘭鱸魚
荷蘭喺盛產優質海產嘅沿海國家，唔試多啲佢哋嘅海鮮又點對得住自己🤓，先後幾次加牛油慢火同海鹽去煎脆荷蘭鱸魚魚皮，魚肉肉質偏實但一啲都唔腥唔嚡，加上配菜菠菜同蕃茄仔，飲多杯阿根廷Chardonnay白酒，一試難忘👍
✝️烤荷蘭農莊走地全雞
用荷蘭煮法去烤焗農莊走地全雞，想食記得3日前訂位啊，因為處理呢隻咁好食嘅雞要用唔少功夫：第1日先用鹽水同30幾款唔同嘅材料去浸隻雞，第2日吊起風乾，第3日再拎去烤焗，再隔走雞油，雞香味濃郁加上嫩滑嘅雞肉，真喺無懈可擊🤤。
雞腳仲要烤得極香脆，成隻雞腳卜卜脆可以咬嚟食，配埋大廚自製嘅蘋果蓉，食埋啲雞皮都無咁油膩😎，點少得嘆埋杯阿根廷Malbec紅酒呢🍷
✝️Cherry Brandy Ice Cream
最後呢個用新鮮車厘子整嘅白蘭地雪糕🍒，喺80年代嘅荷蘭傳統甜品，
餐廳自家手打忌廉同雪糕🍨，食落creamy充滿濃厚雲呢拿香，配埋入口甜香嘅日本梅酒或者意大利Moscato D’asti汽酒就最適合不過😙
張貼
