影片
更多
2022-03-18
1527 瀏覽
放工去咗深水埗買電腦用品，路經位於長沙灣道嘅潮味苑見到門口餐牌超級多嘢食選擇，勁多潮州滷味掛晒喺玻璃櫥窗後面，師傅不停切切切搞到我勁想食，就喺度買個外賣返屋企慢慢嘆。店舖標榜正宗潮州打冷滷味，裝修好有懷舊潮州鋪嘅風味，貼滿晒大廚同好多食客影既相，好多金句標語貼晒喺店舖嘅牆上，感覺超正，我等候外賣期間，不停有人買外賣，等候外賣嘅人多到企晒喺門口，可想而知店舖有多受歡迎。食物種類超級多，打冷潮州滷味，各式各樣嘅小炒，潮州粉麵，炒粉麵飯，基本上一定有嘢食啱你心意，另外我好鍾意個老闆娘，好有潮州人大情大性嘅性格，推介食物嗰種手法大大聲我真係超鍾意，我本來諗住只係買三樣嘢食，跟住佢就推介我，阿女你一定要試吓呢個韭菜粿，返去煎左嚟食，皮脆煙靭，韭菜餡料係我哋自家製，包你食過返尋味，如果你話唔好食聽日即刻返嚟搵我，我賠返錢俾你再請你食嘢😂😂，講到咁，我梗係乖乖聽話即刻買啦😆🦆▪️ 滷水鵝片 $ 148分量多到嚇死人，滷水汁應該係陳年充滿滷水香唔會過鹹，好正，鵝片切得厚薄剛好，鵝肉軟淋又有少少咬口使唔使咁好食，放底嘅豆腐，芽菜，花生吸收左滷水同埋鵝肉嘅汁，實在太好食，我一定要返嚟再食😋😋🥬🐮▪️ 沙嗲牛肉
放工去咗深水埗買電腦用品，路經位於長沙灣道嘅潮味苑見到門口餐牌超級多嘢食選擇，勁多潮州滷味掛晒喺玻璃櫥窗後面，師傅不停切切切搞到我勁想食，就喺度買個外賣返屋企慢慢嘆。
店舖標榜正宗潮州打冷滷味，裝修好有懷舊潮州鋪嘅風味，貼滿晒大廚同好多食客影既相，好多金句標語貼晒喺店舖嘅牆上，感覺超正，我等候外賣期間，不停有人買外賣，等候外賣嘅人多到企晒喺門口，可想而知店舖有多受歡迎。
食物種類超級多，打冷潮州滷味，各式各樣嘅小炒，潮州粉麵，炒粉麵飯，基本上一定有嘢食啱你心意，另外我好鍾意個老闆娘，好有潮州人大情大性嘅性格，推介食物嗰種手法大大聲我真係超鍾意，我本來諗住只係買三樣嘢食，跟住佢就推介我，阿女你一定要試吓呢個韭菜粿，返去煎左嚟食，皮脆煙靭，韭菜餡料係我哋自家製，包你食過返尋味，如果你話唔好食聽日即刻返嚟搵我，我賠返錢俾你再請你食嘢😂😂，講到咁，我梗係乖乖聽話即刻買啦😆
🦆▪️ 滷水鵝片 $ 148
分量多到嚇死人，滷水汁應該係陳年
充滿滷水香唔會過鹹，好正，鵝片切
得厚薄剛好，鵝肉軟淋又有少少咬口
使唔使咁好食，放底嘅豆腐，芽菜，
花生吸收左滷水同埋鵝肉嘅汁，實在
太好食，我一定要返嚟再食😋😋
🥬🐮▪️ 沙嗲牛肉炒芥蘭 $ 78
呢個都係牛肉份量超級多，而且沙嗲
調味啱啱好，充滿花生香，炒得好惹味
芥蘭新鮮爽嫩，超級爽脆，今日可惜冇
白飯，呢味餸送飯一流
🍲▪️ 鎮店蠔仔粥 $ 55
個名已經好威風，鎮店之寶又點可以唔食
蠔仔，肉碎，方魚，冬菜，芫荽，蔥嘅份
量又係多到嚇親人，粥嘅飯粒非常入味
湯就唔使講更加好味，加少少胡椒粉食
就最正，老闆應該都係擔心啲客人食唔飽
樣樣食物都咁足料😆
🥠▪️ 香煎韭菜粿$58
老闆娘我絕對唔需要你賠返錢俾我，頂
🥊真係好好食喎，煎咗之後外皮超級脆
跟住就好煙韌，一咬落去韭菜蝦米料超多
韭菜仍然保持爽脆，蝦米超香，不需要點
任何醬汁已經非常好味，我會為咗呢個韭
菜粿，會返去問候老闆娘😆😆
✨總括嚟講，今次第一次食呢間潮州老店
食物水準真係一流，而且性價比高，樣樣
分量超多，老闆娘又咁正，一定會再去✨
張貼
