泰簡單

營業中

休息中

晚上同朋友去chill一chill，今次帶咗我去食泰菜。發現呢間餐廳係正宗泰國菜，有好多特式飲品揀，夜晚仲有cocktail可以點嚟飲。店內環境好chill，而戶外座位更優美，晚上開著滿天星燈串，好適合打卡！而廚師、侍應都係地道泰國人，非常有善。今次我哋食嘅都係辣嘅菜式，非常惹味！冬蔭功湯(細）泰式必點嘅湯品！湯配料豐富，裡面有大頭蝦、秀珍菇和草菇等食材，非常新鮮。突別係大頭蝦，味道甜鮮。香氣十足，湯底酸辣開胃惹味，味道豐富而有層次。烤豬頸肉沙律 份量十足，金黃油潤豬頸肉，味道非常出色！肉質軟嫩爽脆彈牙，有炭燒焦香，搭配自家製酸辣汁，令肉汁更鮮甜。用生菜包起，口感更有層次！飛天通菜快炒通菜，用咗豆醬、蒜蓉去炒，口感非常爽脆，味道微辣。香草辣椒肉碎炒飯上面有流心煎蛋，炒飯粒粒分明，以香草和辣椒調味，食落去非常香口，味道偏辣。飲品鮮菠蘿汁 & 心有靈犀，兩杯飲品都非常有賣相，亦都好解油膩感。心有靈犀係由雜果＋珍珠芝麻＋石榴汁調製嘅梳打飲品，非常有熱帶感覺嘅飲品；鮮菠蘿汁鮮、香、甜，爽口香甜。