影片
更多
2021-03-11
590 瀏覽
🔻 博多·爐端燒尖沙咀金巴利道82A-84A號金閣大廈地舖///🧃本日之萬菜 $38-$68/碟萬菜係日本非常傳統嘅小菜，冇統一嘅做法，通常都係按照廚師本身鄉下嘅味道造成，好似依間餐廳嘅廚師，佢嘅家鄉係九州，所以我哋食到嘅萬菜非常有九州特色，仲要每日不同款。味道偏重一d，好適合送酒，建議點都要嗌三四樣試吓/🧃鰈魚一夜干 $58一夜干由日本空運到港，魚肉入口彈牙，帶一點點甜味，喺口腔入邊咀嚼滲出濃厚嘅魚香味/🧃福岡志賀島 沙拔蠑螺 $48/隻蠑螺由日本直送，非常新鮮，入面加咗少少醬汁，提升味道嘅層次，螺肉本身亦都好彈牙，尾部有少少苦味，但係一啲都唔討厭，味道偏向甘香，好特別/🧃極上和牛牛舌 $198牛舌取自鹿兒島野崎和牛，口感非常嫩滑彈牙，每一口都滲出豐富嘅牛脂香味，美國牛或者澳洲肥牛都絕對無法比擬，絕對係小妹喺香港食過最好嘅牛舌之一/🧃日式燒飯糰 $38/個小妹揀咗兩款口味，醬油同埋日式瑪格麗㙮，完美體現到乜嘢叫做簡單嘅嘢最難整，飯團軟熟得來緊致，面頭嘅飯粒帶焦香，食落口又唔會癡牙，淨係食個手工都值回票價。至於揀咩味道就好個人，個人認為醬油保守得來岩所有人口味，推薦第一次可以先試呢款/
尖沙咀金巴利道82A-84A號金閣大廈地舖
///
🧃本日之萬菜 $38-$68/碟
萬菜係日本非常傳統嘅小菜，冇統一嘅做法，通常都係按照廚師本身鄉下嘅味道造成，好似依間餐廳嘅廚師，佢嘅家鄉係九州，所以我哋食到嘅萬菜非常有九州特色，仲要每日不同款。味道偏重一d，好適合送酒，建議點都要嗌三四樣試吓
/
🧃鰈魚一夜干 $58
一夜干由日本空運到港，魚肉入口彈牙，帶一點點甜味，喺口腔入邊咀嚼滲出濃厚嘅魚香味
/
🧃福岡志賀島 沙拔蠑螺 $48/隻
蠑螺由日本直送，非常新鮮，入面加咗少少醬汁，提升味道嘅層次，螺肉本身亦都好彈牙，尾部有少少苦味，但係一啲都唔討厭，味道偏向甘香，好特別
/
🧃極上和牛牛舌 $198
牛舌取自鹿兒島野崎和牛，口感非常嫩滑彈牙，每一口都滲出豐富嘅牛脂香味，美國牛或者澳洲肥牛都絕對無法比擬，絕對係小妹喺香港食過最好嘅牛舌之一
/
🧃日式燒飯糰 $38/個
小妹揀咗兩款口味，醬油同埋日式瑪格麗㙮，完美體現到乜嘢叫做簡單嘅嘢最難整，飯團軟熟得來緊致，面頭嘅飯粒帶焦香，食落口又唔會癡牙，淨係食個手工都值回票價。至於揀咩味道就好個人，個人認為醬油保守得來岩所有人口味，推薦第一次可以先試呢款
/
🧃星野村布丁 $48
布丁口味比較成熟，用咗帶苦味嘅培茶製作而成，食落口都幾清雅，感受到茶嘅幽香係口入面慢慢散發出嚟
/
🧃本日精選雪糕 $38
聽侍應講，佢哋經常會由日本入口唔同口味嘅雪糕，當中有好多都好特別，就好似今日咁係薑味，個味道亦都冇花冇假地好有薑味，食落都幾耳目一新
張貼
