影片
港鐵佐敦站 D 出口, 步行約8分鐘
繼續閱讀
電話號碼
31119003
92122885
開飯介紹
日式爐端燒餐廳，裝修摩登，以灰色為主，頗有格調，氣氛令人感覺放鬆。款式多樣，食材新鮮。
繼續閱讀
營業時間
今日營業
17:30 - 02:00
星期一至三
17:30 - 01:00
星期四至六
17:30 - 02:00
星期日
17:30 - 01:00
以上資料只供參考, 請與餐廳確認詳情
有關獎賞計劃
優惠
位於尖沙咀金巴利道盡頭的這間小店，為我們帶來正宗九州爐端燒體驗。食材新鮮，由九州及北海道地區直送。師傅同樣來自九州，以地道手法烹調，食物充滿驚喜， 同大家happy share 👼1️⃣ 前菜 築前煮 $48 配料豐富，包括冬菇、蓮藕、雞肉和蒟蒻等，每一口都吸滿鰹魚湯的精華，溫潤甜香，索汁入味，好令人滿足。 明太子薯仔沙律 $48 薯仔切片帶爽脆口感，配上鹹香明太子和帶點酸甜的椒麻油，味道清新開胃。雞肉丸大根煮 $68 雞肉丸手工細緻，辣汁提升香氣。煮得腍滑的大根吸收了湯汁的濃郁，是好舒服的一道菜。 辛子蓮根 $58 粉嫩的蓮藕夾着黃芥末餡。芥末超攻鼻， 辣到標眼水。香港人未必食得慣，但店員話係日本 人日常食法， 幾過癮 2️⃣ 海鮮 福岡志賀島蠑螺壺燒 $156/2 ($78@) 蠑螺新鮮現燒，肉質爽彈，鹹鮮味突出。 博多平和蒲燒季節性丸天魚餅 $98 魚餅充滿膠質，口感細膩。用七味粉蛋黃醬提升濃郁度，或者配上薑蓉蘿蔔蓉提鮮，兩種吃法各有特色。 3️⃣ 豬 万能蔥卷（月見酢汁） $128 北海道豚腩肉包裹蔥卷，豬肉肉汁充滿口腔，蔥香脆多汁，配搭完美。蘸上生雞蛋的日式醬汁更添濃郁，好治癒！ 4️⃣ 牛 宮崎和牛肚蜂巢炙燒 $198 呢味真係非常之特別！ 宮崎和牛肚真係第一次食。本身我唔係好食內臟， 但呢款又牛肚味得嚟一啲都唔臭。蜂巢外層烤得焦香脆口，內層柔韌富嚼勁，醬汁點綴更添風味，做到有嚼口而不韌。好有趣！5️⃣ 野菜 新瀉燒厚油豆腐卜 $78 燒厚油豆腐膨脹成千層外脆內嫩，配上薑泥或喼汁，酸味平衡得宜，好好食！ 高知土佐甘長唐辛子 $38 青椒燒到焦香，越吃辣味越滲出，細心品嘗之餘需要小心辣度喔～ 燒北海道薯仔 $55 只能夠話北海道薯仔嘅質感同味道都係世一，不能不嗌！！！ 薯仔以牛油調味，外層燒得香脆，甜味天然突出，令媽子誤以為自己食緊番薯。燒博多長茄子 $88 另一推介~茄子鮮嫩多汁，燒得剛剛好，盡顯師傅的功力。即使平時對茄子興趣不大，這款也令我喜出望外。 6️⃣ 飯團 明太子紫蘇燒飯團 $44 紫蘇的清香和明太子的鹹香交融，醬汁偏濃郁，會重口味啲。 瑪格麗塔燒飯團 $44 芝士配番茄乾的組合，是非常有趣的fusion飯團，味道獨特。 7️⃣ 甜品 和風雪糕批 $48 呢款唔同係傳說中嘅fusion菜？成片燒芝士即席炙燒，用料好慷慨；加上蕃茄乾，幾有趣嘅風味天神布甸 $48 布甸幼滑綿密，鍾意焦糖同雲呢拿籽淡淡嘅香氣，是幸福完食的代表。 8️⃣ 飲品 熱培茶／熱綠茶 $38 最後嗌返兩壺茶燒下滯，可以 請店員加上 refill。飲啖茶，嘆吓甜品9️⃣ 總結 嗌咗咁多道菜，連埋加一都只需$1,453，以正宗日本材料、專業師傅技術和居酒屋氛圍來講，性價比高！無論是地道味道還是用心烹調，每一道菜都散發着誠意，值得一試
繼續閱讀
最近睇新聞的話題成日講今年開始，日本地震機率非常高，攪到有啲驚，唔敢去日本旅行，真係有啲慘慘豬的感覺😮💨。不過朋友就介紹左尖沙咀有間爐端燒由日本人主理，有很多博多美食，今晚去品嚐啊😋。前菜：明太子薯仔沙律-將薯仔切片配上九州名物明太子仲有脆粟米片，食落爽口清新又脆卜卜😋。凍辛辣豆腐配上乾蔥及大量脆米粒，食落口好嫩但又有韓式辛辣的刺激又脆口的感覺🤟🏻。冷蕃茄-很簡單的一個前菜，就係夠新鮮❤️。食完前菜就到主角出場啦，真正嘅九州博多名物 - 牛腸鍋（もつ鍋）香港真係第一次見到有牛腸鍋食。二人前的牛腸鍋份量都幾多😋有口福啦😚首先牛腸好乾淨，食落口彈下彈下咁，又肥又嫩😋，口感好正🙌，加上個湯味道濃郁，韭菜椰菜同豆腐都吸晒湯的精華❤️非常滿足，食到咁上下加個日本生麵，正正正。很有以前去福岡旅行時食牛腸鍋的感覺🙂↕️🙏🏻。最後甜品係梅枝餅、和風雪糕批😋，我記得以前去福岡太宰府有食過，好味😋。食餐飯有咁多日本旅行回憶真係開心🥳。encore🤟🏻
繼續閱讀
聽講尖沙咀近佐敦果邊有間新嘅爐端燒，而且係咁博多嘅師傅主理，應該都會喺香港食到日本風味。因為想睇住主廚煮，所以就坐咗喺吧枱，有個透明板隔住嘅open kitchen。因為食得太多野，輕輕點評幾款我覺得比較特別嘅～蠑螺 $156@2食落唔會太硬，帶有小小調味，食落去更加鮮甜。和牛重辦胃燒 $128係博多牛腸鍋嘅變奏版，本身牛腸好肥美，而老公司令到佢增添咗一份惹味。和牛舌芋絲月見 $68沙律雞肉香味大根 $58築前煮 $48明太子冷烏冬 $148明太子係辛口，帶小小辣度，襯埋烏冬好夾。天神布甸 $48呢個比較特別，有一邊係有一片檸檬。仲有啲雪花鹽，撈埋變成一個又有少少酸，又有少少酸又有小小鹹嘅醬。同布甸一齊食個味道都幾特別。
繼續閱讀
近排經常聽到日本將會大地震的新聞，都不敢去旅行了，所以在香港了一間由日本人擔任主廚的爐端燒餐廳，一解思鄉之愁。筑前煮💕材料豐富，有牛蒡、紅蘿蔔、蓮藕、冬菇及蒟蒻等等，鹹甜有度的醬汁滲入每樣食材當中，吃起來十分入味。蕃茄芫茜沙律💕口感清新，可以先開開味蕾。紅酒燉牛舌💕入口軟腍，紅酒醬汁味道濃郁。雞翼一夜干💕雞皮乾身香脆，雞肉嫩滑略帶咸香。長崎雲仙火腿💕 味道甘香，炭火香氣十足。餃子魚卷💕外層金黃酥脆，裡面藏餡料，口感軟綿綿。博多豚腩肉卷萬能蔥💕豚腩肉包著萬能蔥，大大的一卷，賣相吸引，肉汁加上蔥香，實在太香口了！久留米豬肋骨條💕外層焦香微脆，肉質軟嫩不柴，醬汁香濃入味。博多燒茄子💕肉質軟腍，焦香滿滿。高知土佐甘長唐辛子💕味道清甜微辛。鰻魚蒸籠飯💕第一次吃蒸的鰻魚飯，鰻魚肉質軟嫩，鰻魚的味道滲入米飯中，吃起來更鮮香。天神布丁💕布丁十分滑溜，入口即化。梅枝餅💕紅豆燒餅外層酥脆，內層滿滿紅豆餡，甜而不膩。
繼續閱讀
真係俾佢門口嗰塊電子屏幕所吸引，再加上地震吹到越來越大，唯有留喺香港消費。✨前菜日本嘅前菜同韓國大大不同，今次試咗其中三款：新鮮蕃茄、金平根菜、白滝酢～蕃茄多汁鮮甜，可以點上少少嘅鹽份更衝擊味蕾；金平根菜大師傅自家烹調，整體嘅芝麻味道非常之香口，亦都好喜歡蓮藕嘅爽身；白滝酢完全唔知咩嚟，原來係師傅用咗牛油炒和芋絲以及魚糕，再一次品嚐到黎自九州嘅家鄉味道。✨牛腸鍋最典型嘅博多名物，牛腸鍋非常之大煲，廚師更加親自過嚟介紹！裡面放有肥美鮮嫩的牛腸、加上燉煮到軟嫩嘅韭菜、豆腐、椰菜！裏面除咗有大量嘅韭菜、椰菜之外，牛腸偏向肥身但亳無臭味，反而做得特別滋香。湯底亦都越滾越香，最後少不了一個日式拉麵，朔晒啲精華。✨甜品太宰府名物梅枝餅、天神布丁，兩款都係餐廳自家製作，梅餅好解膩，外皮帶點酥口，內裡煙靭加上澎湃嘅紅豆餡真係天衣無縫！而天神布丁更加係傑出之作，布丁滑捋捋，蛋香香盛，加上適量檸檬汁同薄鹽，瞬間有檸檬慕絲嘅感覺，特別又好食✨巨峰燒酎、紀州梅梳打你得日本餐廳當然唔少得啤返杯，燒酎相當容易入口，而梳打更加係令我鍾情，梅味特出飲落清爽
繼續閱讀